Yohana 8:37 - I CILAGANE CIPYA 1991

³⁷ Manyile vyono muli mbeyu ya Abulahamu. Ninga hamba nhavivyo, mukusaka kumbulaga, vyono si mukuyivumila i nghani yangu.

Luganuzi Luswanu Kuli Wanhu Wose 2002

³⁷ Manyile vyono muli we ndelo ya Abulahamu. Ninga hamba nhavivyo, mukusaka kumbulaga, vyono si mukuyivumila i nghani yangu.

Yohana 8:37 Referans Kwoze

1 Wakolinto 2:14

U munhu we ciyinze yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

Walumi 9:7

Hamba si wose we mbeyu ya Abulahamu, wanagwe we mbeka. Langa nha vyono gakulonga i Mandiko Gono Gelile. “Muli Isaka mo yolocemelwa imbeyu yako.”

Yohana 7:1

Hanyuma ya zizi, Yesu yajendaga mu Galilaya, hamba si yendaga kujenda mu Yudiya, vyono i walongola we Wayahudi wahilaga kumuwulaga.

Yohana 8:59

Holeka wakatondola mabwe wamugumilile ninga Yesu yakehundika, yakalawaniza mu Nyumba yo Mulungu.

Metumo ge Watumwa 13:26

“Nye wandugu zangu mo wana we mbeyu ya Abulahamu, na nyenye wose mono mumogopile u Mulungu! Yo sese mono cileteywe inghani ye mhonelo yiyi.

Yohana 8:43

Alu kusokoci si mukwizuka zono nghulonga? Kusoko vyono si mwendile kuyihuliciza inghani yangu.

Yohana 11:53

Nawo vyono walawa lizuwa lililya, i walongola we Wayahudi wakawa kulondola nzila ho wamuwulaje Yesu.

Yohana 7:19

Alu Musa si yamupelenyi Wulajilize? Hamba nha vivyo, hasina yunji muyenyu mono kawibataga u Wulajilize. Alu ku sokoci mukusaka kumbulaga?”

Yohana 10:31

Iwayahudi wakalondola mabwe ho wamutowanje.

Yohana 8:6

Wazilonga zinghani zizi wakumujela, ho watuje nzila yo kumusonjezeza. Ninga Yesu yakenama hasi, yakandika mu muhangha ne cidole.

Yohana 7:25

Wanji wanya Yelusalemi wakatya, “Wulenyi, u munhu mono wakumulondola wamuwulaje, si yo yuyu?

Yohana 5:44

Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Matayo 13:15

Hambi i mahala ge wanhu wawa nha galelepe, ne makutu gawo wagaziwaze, ne meso gawo wafufunize. Yali yiwe si nha vivyo, mhali wali wawone ne meso gawo, kanyhi wali wahulice kwe makutu gawo, no kuwa no wizuce mu mahala gawo ho wamhitucile vyo yakutya u Muwaha, Nane ho nali niwaponye.’

Yohana 8:33

Nawo wakamupitula wakatya, “Ase cili mbeyu ya Abulahamu, nase cikali si cinawa wawanda wa munhu wo wose.” Alu wina sokoci yo kutya, “Mowa welecele?”

Matayo 3:9

Mulece kwihwesa mba vyono mosuma kwitetela no kutya, “Ase cili wana wa Abulahamu! Ane nghumulonjelenyi mbeka, vyono u Mulungu kosuma kuganoza imabwe gaga gawe wana wa Abulahamu.

Yohana 8:56

U sogo yenyu Abulahamu yasecelela, vyono koliwona lizuwa lyangu, nayo yakaliwona, yakasangalala.”

1 Yohana 2:14

Nghumwandicilenyi nanye mo wadodo, vyono mumumanyile u Sogo yo munhu. Nghumwandicilenyi nanye mo wa sogo zo munhu, vyono mumumanyile u mwene mono yali ho yuli ku wulawa ha mwamulizo. Nghumwandicilenyi nanye mo wazelelo vyono muli vilungo, ne nghani yo Mulungu yikwikala muli nyenye, kanyhi mumusumile ayulya u Mubi.