Yohana 8:19 - I CILAGANE CIPYA 1991

¹⁹ Baho nawo wakamutya, “U Sogo yali hayi?” Yesu yakawatya, “Anye vyono si mumanyile ane, yo yikuleka si mumumanyile na Baba. Ninga hono mwali mumanye ane, mwali mumumanye na Baba nha vivyo.”

Luganuzi Luswanu Kuli Wanhu Wose 2002

¹⁹ Baho nawo wakamutya, “U Sogo yali hayi?” Yesu yakawatya, “Anye vyono si mumanyile ane, yo yikuleka si mumumanyile na Baba. Ninga hono mwali mumanye ane, mwali mumumanye na Baba nhavivyo.”

Yohana 8:19 Referans Kwoze

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

1 Wakolinto 15:34

Ale, mwinukaje! Mwamulaje kanyhi kwikala mu mikalile miswanu, mulece kwituma wubi. Hambi wanji wa muli nyenye nha si wamumanyiye lukulu u Mulungu. Nane nghumulonjelenyi mbeka, vyono co cevu ciwaha kulinye!

Yohana 7:28

Holeka Yesu lono yejizaga mu Nyumba yo Mulungu, yakenula lizi lyakwe, yakatya, “Ati, mumanyile hongo, sunga na kono ndawile mukumanyile! Hamba yiwe nha vivyo, ane si neyiziza ko wulajilize wangu no mweneco, ninga u mwene mono yanhuma yo we mbeka, nanye si mumumanyile.

Yohana 1:10

Ale, i Nghani yali mono yinze, ne yinze yawumbilwa muli mwene, ninga i yinze si yamutanga yaye.

Matayo 11:25

Mwipango lilyo Yesu yakatya, “Nghukulumba gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

2 Yohana 1:9

Nayo mono siyakwibata no kwikala mu mafundo ga Kilisito hamba kugatyatya, yuyo yamusina u Mulungu. Langa mono yakwikala mu mafundo gago, yuyo yo yena u Sogo yo munhu kanyhi no Mwana.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wagalatiya 4:9

Ninga alu vyono mwakondya kumumanya u Mulungu, lunji citye vyono mwakondya kumanyika no Mulungu, alu nhawule kanyhi mukuwuya ne nyuma no kuyitumamila kanyhi myuhe ayilya miciwa kanyhi yisoceye?

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Yohana 15:21

Womutendelenyi zizi zose ku soko ye litagwa lyangu, vyono si wamumanyile mono yanhuma.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu u Muwaha.

Wakolosayi 1:15

Kilisito yo hwani yeneco yono yikwijela yo Mulungu mono si kejelaga. U mwene yo Mwana u mulongozi kulelwa, kanyhi yo muwaha yacizize viwumbwa vyose.

Waefeso 1:17

ho u Mulungu wo Muwaha wetu Yesu Kilisito u sogo wo lukumyo, yamupelenyi u Muhe wakwe mono komupelenyi wizuce, no kumugubulilenyi ho mumumanye u Mulungu.

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

1 Yohana 2:23

Hambi muli wose mono si yakumuvumila u Mwana, siyakumuvumila sunga no Sogo yo munhu, na muli wose mono yakumuvumila u Mwana, yo yena no Sogo yo Munhu.