Yohana 8:15 - I CILAGANE CIPYA 1991

¹⁵ Anye mukuwa kutyatya mahweso ge cimunhumunhu mu ningʼaniza zenyu, ninga ane si nghuwa kumulingʼaniza munhu.

Luganuzi Luswanu Kuli Wanhu Wose 2002

¹⁵ Anye mukuwa kutyatya mahweso ge cimunhu-munhu mu ning'aniza zenyu, ninga ane si nghuwa kumuling'aniza munhu.

Yohana 8:15 Referans Kwoze

Yohana 12:47

Na munhu hono yazihulice zono nghulonga, nayo ho yalece kuzibata, ane singhumulingʼaniza, hambi ane nha si naza ho niwalingʼanize wa mononze, langa niwaponye wa mononze.

Yohana 7:24

Mulece kulingʼaniza so wulanga za munze du, langa mweze kulavya ningʼaniza ye mbeka.”

Yohana 3:17

Hambi u Mulungu, nha si yamutuma Mwanagwe kononze, ho yayilingʼanize iyinze, langa ho yayikomboze.”

Yohana 18:36

Yesu yakamupitula yakatya, “Wutemi wangu si we yinze yiyi. Wutemi wangu mhali wuwe we yinze yiyi, mhali vilewane ne wetumami wangu, ho ndece kulavywa kuli Wayahudi, alu ninga wutemi wangu si wa kononze ngʼo.”

1 Wakolinto 2:15

Ninga u munhu mono yena u Muhe yuyo, yuyo langa yo kosuma kuwumanya u wuswanu wa vyose, nayo hamba sikosuma kuhoswa na munhu wo wose.

Walumi 2:1

Holeka go munhu, wusina cikojelo, mono wukuwalingʼaniza iwayago, hamba wuwe vyono winha. Hambi hono wukuwalingʼaniza i wanji, nha wukwilijita go mweneco, ku soko vyono na gwegwe go mweneco nha wukwituma zizo zono wukuwalingʼaniza iwayago.

Yohana 8:11

Nayo u mucekulu yuyo yakapitula yakatya, “Hasina hamba yumonga Muwaha!” Nayo Yesu yakamutya, “Hamba na nene si nghukulingʼaniza. Ubite, ninga vyono kulawa lulu, wulece kwituma kanyhi wubi.”]

Yakobo 2:4

wulenyi ma, wuwo si wuwaguzi muli nyenye? Ma, na wuwo wulamuzi wenyu ma, si wukulawilila mu mahweso mabi?

Luka 12:14

Yesu yakamutya, “Gwe mwendece wangu, mwene mono yanheye niwe mulamuzi lunji mugawi muli nyenye nani.”

2 Wakolinto 5:16

Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nha vivyo kanyhi.