Yohana 7:26 - I CILAGANE CIPYA 1991

²⁶ Na kumbe lanje, yakuwalonga ciwonelela, hamba hasina munhu mono yakumutya cinji. Alo yisumice walongola mbeka wowa wamumanya vyono yo mweneco Kilisito

Luganuzi Luswanu Kuli Wanhu Wose 2002

²⁶ Na kumbe lanje, yakuwalonga ciwonelela, hamba hasina munhu mono yakumutya cinji. Alo yisumice walongola mbeka, wowa wamumanya vyono yo mweneco Kilisito

Yohana 7:26 Referans Kwoze

Yohana 7:48

Wulenyi, mumuwene hamba yunji wa muli walongola we wanhu, hamba yunji wa mu Wafalisayo mono yamwihuwiye?

Wafilipi 1:14

Na wuwu wuwopwe wangu wawanoza we zindugu wenji wawe no wihuwilo muli Muwaha, sunga wakucila kuwa ne vilungo mu wuganula i nghani yo Mulungu wasina woga.

Metumo ge Watumwa 4:13

Wawo wanyamhala wo mukungʼano, wali wawamanyile wa Petelo na Yohana vyono wali wanhu du wono si wasomile, ninga wakawezina kuwawona wakulonga kwe vilungo wasina hamba woga. Wakawezuka, vyono wawezanaga na Yesu.

Yohana 12:42

Hamba nhavivyo, iwalongola wenji we Wayahudi, wamwihuwila Yesu. Ninga si wasuma kumuvumila ciwonelela, vyono wawogopaga Iwafalisayo, ho walece kuwawinga mu nhangʼanilo yo wuhembelo.

Yohana 9:22

Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhangʼanilo yo wuhembelo.

Luka 7:30

Ninga Wafalisayo ne wejizi wo Wulajilize wakalema wuhile wo Mulungu wono wali wuwanojeye, wakalema sunga no kubaputizwa na Yohana.

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nya sicinji kuliʼgwe.

Luka 23:13

Pilato yakawacemela hamonga Wakohani wawaha ne walongola ne wanhu,

Yohana 3:1

Kwali na munhu monga Muyahudi, mulongola we cipuga ce Wafalisayo, itagwa lyakwe Nikodemo.

Yohana 4:29

“Muze mukamuwone u munhu mono yanonjeye zinghani zose zono nitumaga, alo kowa yo mwene Kilisito?”

Yohana 7:25

Wanji wanya Yelusalemi wakatya, “Wulenyi, u munhu mono wakumulondola wamuwulaje, si yo yuyu?

Yohana 7:31

Wanhu wenji wa mwipuga lililya lye wanhu wakamwihuwila, wakatya, “Wulenyi ti, Kilisito kolo yakuza, konoza vitanjilo yicizize vyono yanozize yuyu?”

Yohana 18:20

Nayo Yesu yakamupitula yakutya, “Ane nali kuwalonjelaga wanhu wose nhondo zose cagalanze. Nane nali kwijiza hanji na hanji mu matangʼanilo gawo go wuhembelo, sunga na mu Nyumba yo Mulungu, ihanhu hono wekongholelaga Wayahudi wose, na hamba nghali si nalonga cinji co cose cinyele.