Yohana 7:19 - I CILAGANE CIPYA 1991

¹⁹ Alu Musa si yamupelenyi Wulajilize? Hamba nha vivyo, hasina yunji muyenyu mono kawibataga u Wulajilize. Alu ku sokoci mukusaka kumbulaga?”

Luganuzi Luswanu Kuli Wanhu Wose 2002

¹⁹ Alu Musa si yamupelenyi Wulajilize? Hamba nhavivyo, hasina yunji muyenyu mono kawibataga u Wulajilize. Alu ku sokoci mukusaka kumbulaga?”

Yohana 7:19 Referans Kwoze

Yohana 1:17

Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

Yohana 11:53

Nawo vyono walawa lizuwa lililya, i walongola we Wayahudi wakawa kulondola nzila ho wamuwulaje Yesu.

Yohana 7:1

Hanyuma ya zizi, Yesu yajendaga mu Galilaya, hamba si yendaga kujenda mu Yudiya, vyono i walongola we Wayahudi wahilaga kumuwulaga.

Matayo 12:14

Hodu i Wafalisayo wakawa kulawila kunze, wakawa kulongana vyono wosuma kumongomeza Yesu.

Wagalatiya 6:13

Hambi sunga na wawo du weneco wono walame, nha si wakuwibata u Wulajilize, alu wakuhila anye mwalame ho wawe ne citanjilo co kwilumbila mu miwili yenyu.

Wagalatiya 3:19

Alu u Wulajilize waci? Wonjelezwa ho wuwulajile u wuhodanji co cici, sunga kolo yakuza ayulya wo lulelo lwa Abulahamu mono yalaganizwa. U Wulajilize waletwa na malayika ko muwoko wo mulamuzi.

Metumo ge Watumwa 7:38

Mwipango lyono wana wa Isilayeli wetangʼanila ku nyika, yo Musa mono yali yali kuko, hamonga nawo. Yali yali kuko hamonga ne wasetu, hamonga na ayulya malayika mono vyalongana nayo mwitunda lye Sinayi, yo yuyo mono yazibocela zinghani zo wumi, ho yacipele ase.

Yohana 10:39

Wakajela kanyhi kumwibata Yesu ninga mwene yakawuka hali wene.

Yohana 7:25

Wanji wanya Yelusalemi wakatya, “Wulenyi, u munhu mono wakumulondola wamuwulaje, si yo yuyu?

Yohana 5:45

Mulece kwihwesa vyono ane nomusonjezenyi kuli Baba. Yuyo Musa mono mumwitumbiye, yo komusonjezenyi kuli Baba.

Yohana 5:18

Ku soko ye zinghani zizo, iwalongola we Wayahudi wakacila muno kulondola nzila yo kumuwulaga Yesu, si so wuhodanje wo wulajilize we Sabato du, langa na so wulonje wono yateye Mulungu yo Sogwe, na kusoko yiyo yakwinoza sawa no Mulungu.

Yohana 5:16

Ku soko vyono Yesu yetuma nghani yiyi mwizuwa lye Sabato, Iwayahudi wakawa kwamula kumugaza.

Maluko 3:6

Lo lulolulo i Wafalisayo wakalawila kunze ye nhangʼanilo yo wuhembelo, nawo wakeheha hamonga ne cipuga ce wanhu wa Helode, vyono womuwulaga Yesu.

Maluko 3:4

Ale yakawawuza, yakutya, “Wulenyi ti, yili lingʼani mwizuwa lye Sabato kwituma viswanu hamba kwituma vibi? Kuponya wumi hamba kuwulaga?” Ninga iwene hamba siwalonga cinji yaye.

Matayo 21:38

Ninga i walimi wawalya, waza muwona u muzelelo yuyulya yakuza, wakalongana weneco wose wakatya, ‘Ayu mwene yo muhazi, holeka ciba cimuwulaje, ase ho cisole u wuhazi wakwe!’

Maluko 11:18

Nawo Iwakohani wawaha ne wejizi wo Wulajilize wali weza kuhulika zizo, wakanza kulondola nzila yo kumongomezeza. Ninga hamba nha vivyo wamogopa, ku soko i lipuga lye wanhu likezina muno so mejizo gakwe.