Yohana 6:43 - I CILAGANE CIPYA 1991

⁴³ Yesu yapitula yakawatya, “Mulece kwingʼungʼulicila nyenye kwa nyenye.

Luganuzi Luswanu Kuli Wanhu Wose 2002

⁴³ Yesu yapitula yakawatya, “Mulece kwing'ung'ulicila nyenye kwa nyenye.

Yohana 6:43 Referans Kwoze

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Yohana 6:64

Ninga hamba nha vivyo ho wali wanji wa muli nyenye wono si wehuwiye.” (Yesu yalonga nha vivyo, hambi nha yali yamanyile kulawa mwamulizo vyono wa nani wono si wehuwiye, na kanyhi nani mono komugaluka.)

Yohana 16:19

Nayo Yesu yakamanya vyono wasakaga kumuwuza, holeka yakawatya, “Alo mukwiwuza ze nghani yiyi vyono nheye, Mu cipango cidodo si mombona hamba nhavi?” Na hanyuma hadodo ho mombona kanyhi?

Maluko 9:33

Ale, wakafika ku Kapelanawumi. Na lono yali mu nyumba yakawawuza, yakutya, “Mwali kwiwanganilaci mu nzila?”

Matayo 16:8

Nayo Yesu yakawamanya i mahweso gawo, holeka yakawatya, “Nye nyo wanhu mono mwina u wihuwilo wucefu! Nhawule mukulongana nyenye wose za vyono musina mikate?

Yohana 6:42

Wakatya, “Mwene yuyu si yo Yesu u mwana wa Yusufu? sunga u sogwe no nyina ciwamanyile! Alu kosuma wule kutya yatima kulawa ku wulanga?”

Yohana 6:44

Hasina munhu mono kosuma kuza kwangu hono Baba mono yanhuma yalece kumukwejela kuliʼne, nane nolomuzukula u munhu yuyo mwizuwa lya ku ndumo.