Yohana 6:40 - I CILAGANE CIPYA 1991

⁴⁰ Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Luganuzi Luswanu Kuli Wanhu Wose 2002

⁴⁰ Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwi'zuwa lya ku ndumo.

Yohana 6:40 Referans Kwoze

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

Yohana 6:54

Mono yakulya u muwili wangu no kuyingʼwa isakami yangu, yena wumi we cibitilila, nane nolomuzukula Mwizuwa lya ku ndumo.

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

Yohana 11:25

Yesu yakamutya, “Ane nha yo nene wuzuce, no wumi. Nayo mono yanyihuwiye nene, hamba yafwe kowa mumi,

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Yohana 14:19

Hakali hadodo we yinze, si wowa kumbona kanyhi, anye langa mombona, na vyono ane nili mumi, na nyenye nanye mowa womi.

Yohana 12:45

Nayo mono yakumbona nene, yakumuwona na yuyo mono yanhuma.

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Luka 2:30

Hambi meso gangu nha gayiwona mhonelo yako.

1 Yohana 2:25

No wihuwizo wono yacihuwiziza ase, nha wowu, u wumi we cibitilila.

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Yohana 10:28

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Yuda 1:21

No kwikala mu wendo wo Mulungu, akuno mukumulindila Muwaha wetu Yesu Kilisito yamupelenyi wumi we cibitilila ko lusungu lwakwe.

1 Petelo 1:8

Anye mumwendile, hamba muwe simunamuwona, na kanyhi mumwihuwiye hamba muwe simukumuwona lulu. Holeka, mukusecelela muno ne nyemo yo lukumyo siyakulonga.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wilingʼano, na kundumilizo, wumi we cibitilila mu nzila ya Yesu Kilisito u Mutwa wetu.

Yohana 12:50

Nane manyile vyono ililajilizo lyakwe, liletaga wumi we cibitilila, holeka ane nghulonga zizilya du, zono Baba yanonjela, zo nghulonga.

Yohana 8:56

U sogo yenyu Abulahamu yasecelela, vyono koliwona lizuwa lyangu, nayo yakaliwona, yakasangalala.”

Maluko 16:16

Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Wahebelaniya 11:1

Wuwa no wihuwilo, wo wutya wo wumanyile lukulu we vinhu vyono citumbiye, kwitumbilila lukulu muli vyono siciviwonaga kwe meso.

Wahebelaniya 11:27

So wihuwilo Musa yahama ku wulawa ku yisi ya Misili, hamba kogopa i likuwo lyo mutemi na hamba si yawuya ku nyuma, hambi nha yali nha munhu mono yakondya kumuwona u Mulungu yu yulya mono si kejelaga.

Yohana 14:17

U mwene yo Muhe we mbeka, mono we yinze si wosuma kumubocela, hambi nha si wosuma kumuwona, hamba kumumanya kose. Ninga anye mumumanyile, hambi nha mwikalaga nayo, nayo yali muli nyenye.

Matayo 10:15

Mbeka nghumutyenyi, Mwizuwa lye ningʼaniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Yohana 6:39

No wuhile wa mono yanhuma nha wowu, “Ndece kumwajiliza hamba yumonga muli wose wono napegwa nayo, langa niwazukule wose mwizuwa lya ku ndumo.”

Yohana 6:44

Hasina munhu mono kosuma kuza kwangu hono Baba mono yanhuma yalece kumukwejela kuliʼne, nane nolomuzukula u munhu yuyo mwizuwa lya ku ndumo.

Yohana 11:24

Malita yakamutya, “Manyile vyono kolozuka ku wuzuce we lizuwa lya ku ndumo.”