Yohana 5:36 - I CILAGANE CIPYA 1991

³⁶ Ninga ane nina wuhomelezi wangu wuwaha kuciza wa Yohana, hambi i milimo yono nghwituma, yo milimo yono yamhela Baba niyitume, nayo yo yikuhomelela vyono Baba yo yanhuma.

Luganuzi Luswanu Kuli Wanhu Wose 2002

³⁶ Ninga ane nina wuhomelezi wangu wuwaha kuciza wa Yohana, hambi i milimo yono nghwituma, yo milimo yono yamhela Baba niyitume, nayo yo yikuhomelela vyono Baba yo yanhuma.

Yohana 5:36 Referans Kwoze

Yohana 10:25

Yesu yakawapitula, yakawatya, “Nha nimulonjelenyi, ninga si mukwihuwila. I milimo yono nghwitumila mwitagwa lya Baba, yiyo yo yikuhomelela.

Yohana 15:24

Mhali si netuma kwawo imetumo gono yunji wo wose yakali si nagetuma, mhali wawe wasina wubi. Ninga alu, waziwona zono nakondya kwituma, na vyono yinha, wakasula nene, kanyhi wakamusula na Baba nha vivilya.

Yohana 2:23

Nayo Yesu, lono yali ku Yelusalemi ku sikukuu ya Pasaka, wanhu wenji wamwihuwila, waza kuviwona ivitanjilo vyono yavinoza kuko.

1 Yohana 5:9

Holeka hono ciwe cikuwulumba u wuhomelezi we wanhu, u wuhomelezi wo Mulungu wo wucizize muno muno, na awuno wo wuhomelezi wono Mulungu yawulavya mweneco muli Mwanagwe.

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 3:17

Hambi u Mulungu, nha si yamutuma Mwanagwe kononze, ho yayilingʼanize iyinze, langa ho yayikomboze.”

Matayo 11:4

Nayo Yesu yakawapitula yakatya, “Mubite mukamulonjele Yohana zose zono mukuzihulika no kuziwona,

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Yohana 5:32

Ninga ho yali yunji mono kahomelelaga, ane manyile vyono, zose zono yakuhomelela muliʼne zo ze mbeka.

Yohana 4:34

Yesu yakawatya, “I ndigwa yangu yoyi, nitume wuhile wa mono yanhuma, no kuwukondeleza u mulimo wakwe.

Yohana 17:4

Ane nakukumya kononze, nakondya kuwumaliliza u mulimo wono wamhela nitume.

Yohana 11:37

Ninga wanji wakatya, “Munhu ayu yasuma kumunuguze meso u munhu we cibofu, alu si yali yasume kumwimila Lazalo yalece kufwa.”

Luka 2:49

U mwene yakawatya, “So cici lo mwali kunondola? Alo si mwali mumanyile vyono yinojeye niwe mu Nyumba ya Baba?”