Yohana 5:32 - I CILAGANE CIPYA 1991

³² Ninga ho yali yunji mono kahomelelaga, ane manyile vyono, zose zono yakuhomelela muliʼne zo ze mbeka.

Luganuzi Luswanu Kuli Wanhu Wose 2002

³² Ninga ho yali yunji mono kahomelelaga, ane manyile vyono, zose zono yakuhomelela muli'ne zo ze mbeka.

Yohana 5:32 Referans Kwoze

Yohana 12:50

Nane manyile vyono ililajilizo lyakwe, liletaga wumi we cibitilila, holeka ane nghulonga zizilya du, zono Baba yanonjela, zo nghulonga.

Yohana 1:33

Nane sinamumanya: langa u Mulungu mono yanhuma nghawabaputize wanhu kwe malenga, yali yanonjela yakutya, ‘U munhu yuyo mono komuwona u Muhe yakumutimila, yakumwikalila, yuyo yo yakubaputiza mu Muhe Mono Yelile.’

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

Luka 3:22

no Muhe Mono Yelile yakamutimila, futa yakwe, yehwanile nziwa, izi likalawa ku wulanga likutya, “Agwe yo gwegwe Mwanangu mwendece, mono nyendezwe nagwe.”

Maluko 1:11

Ne lizi likahulikwa kulawa ku wulanga likutya, “Agwe yo gwegwe mwanangu mwendece; mono nyendezwe nagwe.”

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Yohana 5:34

Ane si vyono nghuwitumbila wuhomelezi wa wanhu, langa nghulonga zizi, anye ho mupone.