Yohana 5:26 - I CILAGANE CIPYA 1991

²⁶ Nha vyono u Sogo yo munhu yo mwamulizo wo wumi, ale nha vivyo nayo yamupela Mwanagwe yawe mwamulizo wo wumi.

Luganuzi Luswanu Kuli Wanhu Wose 2002

²⁶ Nha vyono u Sogo yo munhu yo mwamulizo wo wumi, ale nhavivyo nayo yamupela Mwanagwe yawe mwamulizo wo wumi.

Yohana 5:26 Referans Kwoze

Yohana 11:26

nayo mono yakali mumi, hono yawe kwikala yanyihuwiye nene, si kolofwila lukulu. Wule, wihuwiye muli zizi?”

Yohana 1:4

U Mwene yali yo mwamulizo wo wumi; no wumi wuwo wali wuzelu we wanhu wose.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, ale yasole bwete.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

1 Wakolinto 15:45

Hambi i Mandiko nha gakutya, “Umunhu mulongozi Adamu yali ciwumbwa cono cina nhumbula nyumi.” Ninga Adamu we ndumilizo, Muhe wono wuwumifyaga.

Wugubule 22:1

Hanyuma kanyhi malayika yakandajila i likolongo lye malenga go wumi gono gakungʼalala nha cilole, gakulawilila heʼgoda lyo wutemi lyo Mulungu, hamonga ne Mwana we ngholo.

Wugubule 21:6

Hanyuma yakawa kunonjela yakutya, “Zose ʼlu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kungʼwa bwete, kuwulawa mu mivwilo ye malenga go wumi.

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.

Metumo ge Watumwa 17:25

Hamba si ketumamilagwa ne miwoko ye wanhu, yawe nha yanjiye cinji, hambi mwene nha kawapelaga wose wumi, no wehele, na vyose.

Yohana 14:19

Hakali hadodo we yinze, si wowa kumbona kanyhi, anye langa mombona, na vyono ane nili mumi, na nyenye nanye mowa womi.

Yohana 8:51

Ane nghumulonjelenyi mbeka, munhu hono yebate inghani yangu, si kolofwila lukulu.”

Yohana 4:10

Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

Yohana 6:57

Baba u mumi yo yanhuma, nane nili mumi ku soko yo Mwene, yo nha vivyo nayo mono yakunyilya nene kowa mumi ku soko yangu.

Yohana 10:18

Hasina munhu mono yakumboka u wumi wangu, langa nghuwulavya nene no mweneco. I vilungo vyo kuwulavizya, nina navyo, ne vilungo vyo kuwusolela, kanyhi nina navyo. Na Baba vyo yandajiliza nitume.”

Yohana 11:25

Yesu yakamutya, “Ane nha yo nene wuzuce, no wumi. Nayo mono yanyihuwiye nene, hamba yafwe kowa mumi,

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.