Yohana 4:21 - I CILAGANE CIPYA 1991

²¹ Yesu yakamutya, “Gwe yaya unyihuwile, icipango cikuza, cono si molomuhemba u Sogo yo munhu, hamba mwitunda lili, hamba kuko ku Yelusalemi.

Luganuzi Luswanu Kuli Wanhu Wose 2002

²¹ Yesu yakamutya, “Gwe yaya wunyihuwile, icipango cikuza, cono si molomuhemba u Sogo yo munhu, hamba mwi'tunda lili, kuko ku Yelusalemi.

Yohana 4:21 Referans Kwoze

1 Timoteyo 2:8

Ale, ho hose mu kanisa, kolo mukwitangʼanila mu wuhembi, nghusaka iwalume weze kulomba akuno welavizye lukulu kuli Mulungu, na kanyhi wono wosuma kunyasula imiwoko yawo, kuno wakulomba wasina ikuwo hamba wuwanji.

Waefeso 2:18

Holeka mu nzila yakwe ase wose, Wayahudi ne wanhu we makungugo ganji, cosuma kumubitila Baba mu Muhe monga.

Yohana 4:23

Ninga i cipango cikuza, na lulu caza, lono wahembi we mbeka, womuhemba u Sogo yo munhu mu mbeka, mu vilungo vyo Muhe wo Mulungu. Hambi Sogo yo Munhu nha wo kasakaga i wanhu wono wakumuhemba mu nzila yiyo.

Matayo 18:20

Hambi nha ho hose hono wakwihanguliza wejete hamba wadatu, ku soko ye litagwa lyangu, nane nili baho muciligati yawo.”

Waefeso 3:14

Ku soko yiyo holeka nghumufugamila u Sogo yo Munhu,

Yohana 16:32

Lanjenyi ta, cidaha cikuza, sunga na lulu caza, hono mokwiyagalila munhu kwakwe, munhu kwakwe, na mondeka nene nili wene. Ninga kumbe hamba si niliwene ngʼo, hambi nha cina na Baba.

Yohana 16:2

Wanhu wolowa kumuwinjenyi mu matangʼanilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Yohana 5:28

Mulece kwizina nghani ayi, hambi i cipango nha cikuza, cono wose wono wali mu vitenjelo wolihulika ilizi lyakwe,

1 Petelo 1:17

Lono mukumutambula u Mulungu, anye Mumucemaga mukutya Baba. Ale, manyenyi vyono mwene kowalingʼaniza i wanhu wose mu metumo gawo yasina wuwaguzi. Holeka muvitumamilaje ivilo vyenyu vyono visigaye mu mikalile yenyu, mu wogopo Mulungu.

Metumo ge Watumwa 6:14

Hambi nha camuhulika yakutya ati, ayu Yesu wa Nazaleti, kohahodanjila lukulu ihanhu baha, no kuyiwusiza lukulu imyoto yono yacilajiliza Musa.”

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 5:25

Mbeka nghumutyenyi, i cipango cikuza, na lulu caza, i cipango cono i wafu wolihulika ilizi lyo Mwana wo Mulungu, nawo wono wolihulika wowa womi.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawafisilizwa.”

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Wugubule 21:22

Hamba si nawona wuhembelo mwikaya lilyo, hambi u Muwaha Mulungu u Mudaha vyose, hamonga na yuyulya u Mwana we ngholo, nha wo wuhembelo walyo.