Yohana 3:6 - I CILAGANE CIPYA 1991

⁶ U munhu mu muwili, kalelagwa no sogwe no nyina, ninga mu cimuhe kalelagwa no muhe.

Luganuzi Luswanu Kuli Wanhu Wose 2002

⁶ U munhu mu muwili, kalelwaga no sogwe no nyina, ninga mu cimuhe kalelwaga no muhe.

Yohana 3:6 Referans Kwoze

2 Wakolinto 5:17

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

1 Yohana 3:9

Munhu wo wose mono yaleleywe muli Mulungu, siketumaga wubi, vyono yakondya kuwa no wuwe wa cinya Mulungu muli mwene, nayo sikosuma kwituma wubi vyono u mwene yawa mwana wo Mulungu.

1 Wakolinto 6:17

Ninga kuli mono vikwilunza no Muwaha yuyo vikuwa muhe monga nayo.

Walumi 7:18

Manyile vyono mugati yangu, musina yinji yo yose swanu, hambi ane nha nili munhu du. Ku soko vyono, hamba niwe nghusaka kunoza nghani swanu, si nosuma kwituma.

Walumi 8:13

Hambi hono mwikalilaje zo muwili, mbeka mofwa. Ninga ku Muhe, hono muwulaje imetumo genyu imabi, ale mowumipa.

Waefeso 2:3

Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nha vivyo na sese, ilikuwo lyo Mulungu lyali licinojeye licagane.

Wakolosayi 2:11

Na mu wilunza hamonga na Kilisito, anye mwakondya kwalama, ninga si walame wono wukunozwa ne wanhu, langa u walame wono wukunozwa na Kilisito mweneco, u walame wa mu wukombozwe mu wuwe wo wubi.

Wagalatiya 5:24

I wakwe Kilisito, wakondya kuwuwulaga u wuwe wawo we ciyinze-yinze hamonga ne mahweso gayo i mabi ne masulumizi gayo.

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Walumi 7:5

Hambi lono cekalaga mu mikalile ye cimunhumunhu, uwusulumizi wubi wono wazizaga mu Wulajilize, nha wetuma mulimo mu miwili yetu sunga ko ku wulelela lifwa mikalo.

Walumi 7:25

Ninga, u Mulungu yalumbwe, mono yakusumila, muli Yesu Kilisito Mutwa wetu. Ale nha vivyo vyo ninha, vyono nene no mweneco mu mahala gangu, nghuwitumamila u Wulajilize wo Mulungu, ninga mu muwili, nghuwitumamila u wulajilize wo wubi.

Yohana 3:7

Wulece kwizina, vyono nghulonjeye, yinojeye kulelwa wupya.