Yohana 3:36 - I CILAGANE CIPYA 1991

³⁶ Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Luganuzi Luswanu Kuli Wanhu Wose 2002

³⁶ Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa wulipicizwe wo Mulungu wo kwikala muli mwene.

Yohana 3:36 Referans Kwoze

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

1 Watesalonike 5:9

Hambi u Mulungu nha si yacihagula ho citamiswe mwikuwo lyakwe, langa ho ciyituje i mhonelo mu nzila yo Muwaha wetu Yesu Kilisito,

Waefeso 5:6

Mulece kumuvumila yunji yamukonjenyi na nghani zono zisina cambuzi, hambi nha kusoko ye zinghani zizo, ilikuwo lyo Mulungu likuwa kuwaziza iwana wono si wakumuhulika.

Walumi 5:9

Alu vyono cakondya kunozwa, ho civumilwe hali Mulungu mu nzila ye sakami ya Kilisito, alu yili calinze, nha vyono kociponya mwikuwo lyo Mulungu.

Yohana 8:51

Ane nghumulonjelenyi mbeka, munhu hono yebate inghani yangu, si kolofwila lukulu.”

Yohana 10:28

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lyeʼfwa lye kejete.”

1 Watesalonike 1:10

na luno mumulindilize u Mwanagwe yatime kulawa ku wulanga, mono u Mulungu yamuzukula muli wafu, yo Yesu, mono yakuciponya ne likuwo lyo Mulungu lyono likuza.

Wagalatiya 3:10

Holeka wose wono wetumbiye kufisiliza za mu Wulajilize du, wali mu wulijitwe, hambi i Mandiko Gono Gelile nha gakutya, “Muli wose mono si yakwibata no kufisiliza zose zono zandikwe mu citabu co Wulajilize, mulijitwe.”

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

Luka 3:6

Ne wanhu wose wowona u wukombozwe wo Mulungu.”

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Wahebelaniya 2:3

Alu ase ma! ho coponela hayi hono ciyileceleze mhonelo mbaha nha yiyi? Yono yamula kutongwa no Muwaha mweneco, na wono wahulika, wakacihomelela vyono yili mbeka.

Walumi 4:15

Hambi u Wulajilize nha wukozaga yikuwo, ninga hono hawe hasina u Wulajilize, hasina kanyhi hamba wusutye.

Luka 2:30

Hambi meso gangu nha gayiwona mhonelo yako.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Maluko 16:16

Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Yohana 4:36

Mono yakutwanga, yakubocela u musahala wakwe, nayo yakukonghola i nhwanga, ku soko yo wumi we cibitilila, mono yakuhadika na mono yakutwanga, ho wasangalalane hamonga.

Yohana 6:58

Ayi yo ndigwa yono yatima kulawa ku wulanga, si yinhe mana yono walizaga i wasogo zenyu, wakafwa. Mono yakulya ndigwa yiyo, kokwikala mumi cibitilila.”

Metumo ge Watumwa 14:2

Ninga Wayahudi wanji wono si wasaka kwihuwila, wakawasagahaza wanhu we makungugo ganji no kuwalajila nhumbula yo lusulo ho wawabeze we zindugu.

Wahebelaniya 3:18

U Mulungu lono yelahiza yakutya, “Si wokwinjila mu wuceho wono nali niwawiciye.” Yawalongaga wa nani? Yalongaga muli za wawo i wabezi.

Wahebelaniya 3:19

Holeka cikuwona vyono si wasuma kwinjila kuko, vyono wali si wehuwiye.