Yohana 3:3 - I CILAGANE CIPYA 1991

³ Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Luganuzi Luswanu Kuli Wanhu Wose 2002

³ Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Yohana 3:3 Referans Kwoze

2 Wakolinto 5:17

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

1 Yohana 3:9

Munhu wo wose mono yaleleywe muli Mulungu, siketumaga wubi, vyono yakondya kuwa no wuwe wa cinya Mulungu muli mwene, nayo sikosuma kwituma wubi vyono u mwene yawa mwana wo Mulungu.

1 Yohana 5:1

U munhu wo wose mono yehuwiye vyono Yesu yo Kilisito, yuyo yo mwana wo Mulungu, na mono yamwendile u mulezi, yakuwa kumwenda no mwana wa yuyo mulezi.

Tito 3:5

yakacikomboza. Si yacikomboza ku soko ye nghani yo yose swanu yono cetuma sese, langa yacikomboza ku soko yo lusungu lwakwe, mu nzila yo Muhe Mono Yelile mono yakucipela ho cilelwe wupya, no kuwa ne mikalile mipya ko kucikwema kwe malenga.

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

1 Yohana 2:29

Mumanyile nha vyono Kilisito yo we lingʼani muno, holeka yinojeye munhu wo wose yamanye vyono mono yakwituma zo wilingʼano yuyo yo mwana wo Mulungu.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya mu wuzukula Yesu muli wafu. Yakondya kucipela u witumbilo wo wumi,

Wagalatiya 6:15

Holeka kwalama hamba wuleka kwalama si cinji yaye, langa u wuwumbwe wupya co cinhu ciwaha.

1 Yohana 5:18

Ninga cimanyile vyono muli wose mono yakondya kuwa mwana wo Mulungu, siketumaga wubi, ku soko u Mwana wo Mulungu yakumukamisa. Na yuyo u Mubi si kosuma kumutamisa yaye.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Yohana 12:40

“U Mulungu kawabofuze meso gawo, Kawapuvya i mahala gawo Ho walece kuwona ne meso Hamba walece kwizuka mu mahala gawo Hamba kumhitucila ho niwaponye.”

Waefeso 2:1

Nanye mwali mufwiye ku soko ye masutya no wubi wenyu.

Yohana 1:5

No wuzelu wuwo wumulikaga mu wutitu, hamba wutitu si wuwusumaga yaye.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

Yohana 1:51

Yesu yakajendelela kulonga, “Mbeka nghumulonjelenyi, molowona u wulanga wukudiguka, ne wamalayika wo Mulungu wakubita kucanyha no kutima, muli Mwana wo Munhu.”

Matayo 16:17

Nayo Yesu yakamutya, “Wuli mulugutwe, agwe Simoni go mwana wa Yona, hambi nha si munhu mono yakugubuliye i mbeka yiyi, langa Baba mono yali ku wulanga.

Matayo 5:18

Nghumulonjelenyi mbeka, vyono sunga u wulanga ne yinze zilapuluta, ninga hasina hamba nghani ndodo, hamba cipinga cidodo co Wulajilize cono cowuswa, sunga kolo zose zakondya kufisilizwa.

Wugubule 3:14

“Kuli malayika we likanisa lya Lawodikeya wandice nhavi, “Ayi yo nghani yono yikulawa kuli mono yakucemwa, yo ‘Heya,’ Mwene yo muhomelezi mwihuwilwa na we mbeka, mono yo mwamulizo we viwumbwa vyose vyono u Mulungu yaviwumba.

Matayo 19:24

Kanyhi nghumulonjelenyi nghutya nhavi, kupelu kuli ngamiya yikole mu cilanga co lusingʼani, si nha u munhu mugoli, kuwinjila mu Wutemi wa ku wulanga.”

Matayo 21:31

Alu wa hayi wa muli wawa i wejete mono yetuma u wuhile wo sogwe?” Nawo wakamupitula wakatya, “Yuyulya u mwana mulongozi.” Yesu yakawatya, “Nane nghumulonjelenyi mbeka, vyono i watoweza kodi, sunga ne wasenyha, womulongolelenyi kwinjila mu wutemi wo Mulungu.

Maluko 9:47

Ne liso lyako hono likwiwajize, ale wuliwusaje wulitaje, hambi nha yili ciba kuliʼgwe winjile mu wutemi wo Mulungu wina liso limonga du, si nho kuwa ne meso gako gose vyono mejete, no kutagwa mu moto we Gehena.

Maluko 10:14

Nayo Yesu yaza kuziwona zizo, yakakolwa ikuwo, yakawatya iwejizwa wakwe, “Walecenyi wawo iwana wadodo wanyizize, mulece kuwemila, hambi u wutemi wo Mulungu nha wuli so wanhu wono wenha iwana wadodo wawa.

Yohana 3:4

Nikodemo yakamuwuza yakatya, “Alu munhu hono yaza munhu mututu, kosuma kulelwa kanyhi? Si kosuma kwinjila muʼnda yo nyina ho yalelwe lwe kejete kanyhi.”

1 Yohana 5:4

Hambi muli wose mono yawa mwana wo Mulungu nha kosuma kuyisuma i yinze. Mumo mo cikuyisumila i yinze, u wihuwilo wetu.