Yohana 3:2 - I CILAGANE CIPYA 1991

² Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Luganuzi Luswanu Kuli Wanhu Wose 2002

² Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 3:2 Referans Kwoze

Yohana 5:36

Ninga ane nina wuhomelezi wangu wuwaha kuciza wa Yohana, hambi i milimo yono nghwituma, yo milimo yono yamhela Baba niyitume, nayo yo yikuhomelela vyono Baba yo yanhuma.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Yohana 9:16

Wanji wa muli wafalisayo, wakatya, “U munhu mono yanozize zizi, si munhu wo Mulungu yaye, kusoko si yakwibata u wulajilize we Sabato.” Ninga wanji wakatya, “Hambi u munhu mubi kosuma wule kunoza vitanjilo vyono vinha vivi?” Kukawa no witemanuce muli wene.

Yohana 12:37

Ninga hamba yawe yanoza vitanjilo vinji hali wene, hamba si wamwihuwila ngʼo.

Yohana 1:38

Yesu yakapituka, yakawawona wawo wejizwa wakumutyatya, yakawatya, “Alo mukulondola cici?” Nawo wakamutya, “Labi (nhunizo yayo Mwijizi) kwikalaga hayi?”

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nya sicinji kuliʼgwe.

Yohana 7:31

Wanhu wenji wa mwipuga lililya lye wanhu wakamwihuwila, wakatya, “Wulenyi ti, Kilisito kolo yakuza, konoza vitanjilo yicizize vyono yanozize yuyu?”

Yohana 20:16

Yesu yakamutya, “Malyamu!” Nayo Malyamu yakapituka, yakamutya, “Laboni!” ku nonga ye Cihebelaniya, (nhunizo yayo “Mwijizi.”)

Yohana 15:24

Mhali si netuma kwawo imetumo gono yunji wo wose yakali si nagetuma, mhali wawe wasina wubi. Ninga alu, waziwona zono nakondya kwituma, na vyono yinha, wakasula nene, kanyhi wakamusula na Baba nha vivilya.

Yohana 3:26

I wejizwa wawo wakamubitila Yohana, wakamutya, “Mwijizi, yuyulya mono mwali nayo ku nhumbi nzagwe ya Yoludani, mono wamuhomelela zakwe, alu mwene nayo yakubaputiza, ne wanhu wose wakumuziza.”

Maluko 12:14

Wakamubitila, wakamutya, “Mwijizi, nha cimanyile vyono agwe uli munhu we mbeka, mono kulongaga ze mbeka du, hamba sikucelelelaga munhu wo wose. Hamba lilumbo lya munhu nha si cinji kuli gwe, ninga kuwejizaga imbeka ye nzila yo Mulungu. Wule, viswanu kumulipa kodi Kayisali, hamba ngʼo? Alu cilavye, hamba cilece kulavya?”

Wafilipi 1:14

Na wuwu wuwopwe wangu wawanoza we zindugu wenji wawe no wihuwilo muli Muwaha, sunga wakucila kuwa ne vilungo mu wuganula i nghani yo Mulungu wasina woga.

Matayo 23:7

Wendile muno muno ho walamuswe ne wanhu kwe cogopo mu zisokoni, no kucemwa kanyhi ne wanhu, ‘Mwijizi’.

Matayo 23:8

Ninga anye, mulecele lukulu kucemwa ‘Mwijizi,’ vyono anye mwina mwijizi wenyu yumonga du, ninga anye wose muli ndugu.

Yohana 2:11

Aci co citanjilo cilongozi, Yesu yacinozeza ku Kana ya ku Galilaya, yakalulajila u lukumyo lwakwe, nawo wejizwa wakwe wakamwihuwila.

Yohana 4:31

Na mu cipango cico, i wejizwa wakwe wamunenelezaga Yesu, wakutya, “Mwijizi wulye zindigwa.”

Yohana 6:2

Ne mhuga mbaha ye wanhu wakamutyatya kuko, hambi iwanhu wawo nha wali waziwona ivitanjilo vyono yanozaga vyo kuwaponya i watamwa.

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”

Yohana 14:10

Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.