Yohana 3:18 - I CILAGANE CIPYA 1991

¹⁸ “Mono yamwihuwiye mwana si yakulingʼanizwa, mono si yamwihuwiye yakondya kulingʼanizwa, vyono si yamwihuwiye u Mwana we ciwene wo Mulungu.

Luganuzi Luswanu Kuli Wanhu Wose 2002

¹⁸ “Mono yamwihuwiye mwana si yakuling'anizwa, mono si yamwihuwiye, yakondya kuling'anizwa, vyono si yamwihuwiye u Mwana we ciwene wo Mulungu.

Yohana 3:18 Referans Kwoze

1 Yohana 5:10

Mono yakumwihuwila u Mwana wo Mulungu, u wuhomelezi wuwo muli mwene yena nawo, ninga mono siyamwihuwiye Mulungu, yakumunoza u Mulungu mulambi vyono siyehuwiye u wuhomelezi wono u Mulungu yawulavya muli Mwanagwe.

Maluko 16:16

Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

1 Yohana 5:12

Muli wose mono yena u Mwana wo Mulungu, yo yena u wumi wuwo, na mono yamusina u Mwana wo Mulungu, no wumi yawusina.

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Walumi 5:1

Ale, vyono cakondya kunozwa, ho civumilwe hali Mulungu ko wihuwilo, holeka cilamuye nayo mu nzila yo mutwa wetu Yesu Kilisito.

1 Yohana 4:9

Nayo Mulungu yawulajila u wendo wakwe kuli sese, vyono yamutuma mwanagwe we ciwene kononze, ho ciwutujile wumi muli mwene.

Walumi 8:34

Alo nani mono komuhosenyi? Hasina! Hambi Kilisito nha yo yafwa, kanyhi yakazuka muli wafu, na kanyhi yekaye ku muwoko wo kulume wo Mulungu. Nayo yakucilombela.

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo ho mutuje wumi muli mwene.

Yohana 6:47

Mbeka nghumulonjelenyi, vyono mono yakwihuwila, yena u wumi we cibitilila.

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Wahebelaniya 2:3

Alu ase ma! ho coponela hayi hono ciyileceleze mhonelo mbaha nha yiyi? Yono yamula kutongwa no Muwaha mweneco, na wono wahulika, wakacihomelela vyono yili mbeka.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze si wapona yaye. Alu ase cosuma kupona wule hono cileme kumuhuliciza ayulya mono yakucisugula mono yalawa ku wulanga?

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Yohana 3:16

Ku soko u Mulungu yayenda yinze nha vivi, sunga yakamulavyo Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Wahebelaniya 3:19

Holeka cikuwona vyono si wasuma kwinjila kuko, vyono wali si wehuwiye.

1 Yohana 3:23

Ne lilajilizo lyakwe nha lyoli, Cimwihuwile u Mwanagwe Kilisito, no kwiyenda sese wose, nha vyono yacilajiliza.