Yohana 19:9 - I CILAGANE CIPYA 1991

⁹ Yakenjila kanyhi mwikulu mugati, yakamutya Yesu “Alo kulawa hayi? Ninga Yesu si yamupitula cinji.”

Luganuzi Luswanu Kuli Wanhu Wose 2002

⁹ Yakenjila kanyhi mwikulu mugati, yakamutya Yesu “Alo kulawa hayi? Ninga Yesu si yamupitula cinji.”

Yohana 19:9 Referans Kwoze

Yohana 18:33

Holeka Pilato yakenjila kanyhi mwikulu mugati yakamucema Yesu yakamuwuza, yakutya, “Ati, yo gwegwe mutemi we Wayahudi?”

Wafilipi 1:28

Mulece kuwogopa walugu wenyu, langa mweze muli vilungo nhondo zose, na yiyo yo yomukangazizenyi vyono wene wosumwa, anye mosuma, hambi u Mulungu mweneco nha yo yakumupelenyi u wusume.

Yohana 8:14

Yesu yapitula yakawatya, “Ninga ane hamba niyihomelele no mweneco, wuhomelezi wangu wa mbeka, hambi nha manyile kono nalawa, na kono nghubita. Ninga anye si mumanyile kono nalawa, hamba kono nghubita.

Matayo 26:63

Ninga Yesu yakanyamala twii du. Nayo u Mukohani Muwaha yakamutya, “Nghukwilahiza kuli u Mulungu mumi, wucilonjelaje hono yo gwegwe Kilisito u Mwana wo Mulungu!”

Yohana 18:37

Baho Pilato yakamutya, “Alu agwe wuli mutemi hongo?” Yesu yakapitula, “Kulonga heya, vyono ane nili mutemi. Ane nha nalelwa kusoko yiyo, na kanyhi ku soko yiyo nghaza kononze, ho niwalonjele wanhu muli ze mbeka. Na munhu wo wose mono yali mu mbeka, yuyo kahulikaga.”

Matayo 27:27

Hanyuma iwasilikale wo muwaha we yisi, wakamwinjiza Yesu mwikulu, wakamwikongholela ciwumbi cose.

Luka 23:9

Helode yakamuwuzawuza Yesu nghani nyinji, ninga Yesu siyamupitula cinji.

Yohana 18:28

Ale waza kwela hakali mitondo muno muno, wakamusola Yesu kulawa kwa Kayafa, wakamutegula kwikulu. Ninga wene i walongola we Wayahudi, vyono wahilaga kuyilya Pasaka, si wenjila mwikulu mugati, ho walece kwitipiza.

Yohana 18:34

Yesu yakapitula yakutya, “Mwene nghani zizi zako du gwegwe, hamba wanji wakulonjela zinghani zangu?”

Yohana 19:8

Nayo Pilato yaza kuyihulika inghani yiyi, yakacila kogopa.

Yohana 19:10

Baho Pilato yakamutya, “Hongo si wukumhitula? Siwumanyile vyono ane nina wulajilize wo kukuwopolela, no wulajilize wo kukutumbicila?”