Yohana 19:4 - I CILAGANE CIPYA 1991

⁴ Pilato yakalawila kanyhi kunze, yakawatya, “Lanjenyi ta, ane nimuleta kunze kono kwenyu, ho mumanye vyono ane singhuwona lisutya muli mwene.”

Luganuzi Luswanu Kuli Wanhu Wose 2002

⁴ Pilato yakalawila kanyhi kunze, yakawatya, “Lanjenyi ta, ane nimuleta kunze kono kwenyu, ho mumanye vyono ane singhuwona lisutya muli mwene.”

Yohana 19:4 Referans Kwoze

Yohana 19:6

Nawo Wakohani wawaha, hamonga ne walinzi waza kumuwona Yesu, wakawa kuzoza, wakutya “Mumutumbice mu Musalaba, Mumutumbice mu Musalaba si.” Pilato yakawatya, “Ale, mumusolaje nyenye le, mukamutumbice mu Musalaba, ninga ane singhuwona lisutya muli mwene.”

Yohana 18:38

Pilato yakamutya Yesu, “Alo yiyo imbeka co cici?” Nayo Pilato yaza kukondya kuzilonga zizo, yakawabitila kanyhi Wayahudi kunze, yakawatya, “Ane si nghuwona lisutya lyo lyose muli munhu yuyu.”

Luka 23:4

Pilato yakawalonjela wakohani wawaha ne lipuga lye wanhu yakutya, “Ane singhuwona lisutya lyo lyose muli munhu yuyu.”

Luka 23:47

U muwaha we wasilikale igana, yaza kuwona zono ziweye, yakamukumyo Mulungu, yakutya, “Mbeka munhu ayu, yali yalilingʼani.”

1 Yohana 3:5

Kanyhi mumanyile nha vyono Kilisito yaza ho yawuwuse u wubi wetu, na vyono kanyhi muli mwene musina wubi wo wose.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we lingʼani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

1 Petelo 2:22

Umwene siyetuma wubi, hamba nghani yo wulambi, siyahulikwa mu mulomo wakwe.

1 Petelo 1:19

langa mwakombozwa kwe sakami yo lukumyo ya Kilisito, mono yali yenha nyana ye ngholo yono yisineliema hamba inamha.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Luka 23:41

Nase mbeka yo lingʼani yetu, hambi nha cikulipicizwa nha vyono yicinojeye ku so metumo getu. Ninga Munhu ayu siyetuma cinji cibi.”

Matayo 27:54

Hodu, yuyulya u muwaha we wasilikale igana, sunga na wawalya wono wamudimaga Yesu, wali weza kuwona u wucicime we yisi, sunga na zose zono zejela, Oo! wakogopa muno muno, wakatya, “Mbeka u munhu ayu, yali Mwana wo Mulungu.”

Matayo 27:24

Hodu nayo Pilato yaza kumanya vyono si kosuma cinji, na vyono mazozo gali geza kwanza, hodu u mwene yakasola malenga, yakezuguza miwoko yakwe hali wanhu wose akuno yakutya, “Ane ta, sina nghani yo yose kuli ze lifwa lyo munhu yuyu, yo nghani yenyu nyenye nyo weneco.”

Matayo 27:19

Nayo Pilato lono yali yekala mwigoda lyakwe lyo wulingʼanizi u mugolece wakwe yakamutegulila nghani, yakutya, “Wayiko, wulecele lukulu kwiyinjiza mu zinghani zo munhu yuyu muswanu, ku soko no muyago, izuwali ngazika muno muno mu ndoto, ku soko yakwe.”

Matayo 27:4

Yakawa kuwalonjela yakutya, “Nye, ane sutya, vyono nimulavizye u munhu mono yasina yisutya, ho yawulagwe.” Ninga iwene wakamutya, “Ale ko kwako, alu ase cina nghanici?”

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanya wubi, nayo yenuywe sunga ko ku wulanga.

Yohana 18:33

Holeka Pilato yakenjila kanyhi mwikulu mugati yakamucema Yesu yakamuwuza, yakutya, “Ati, yo gwegwe mutemi we Wayahudi?”