Yohana 19:24 - I CILAGANE CIPYA 1991

²⁴ Holeka wakeyitya, “Cilece kuyidemula, langa ciyitowelaje kula, ho yejele mono koyisola.” Ne nghani yiyo yikanozwa nha vivyo, ho gafisilizwe mandiko gono gakutya, “Wakegawila myenda yangu Ne kanzo yangu wakayitowela kula.” Ale, nha vivyo, vyo wanoza wasilikale wawo.

Luganuzi Luswanu Kuli Wanhu Wose 2002

²⁴ Holeka wakeyitya, “Cilece kuyidemula, langa ciyitowelaje kula, ho yejele mono koyisola.” Ne nghani yiyo yikanozwa nhavivyo, ho gafisilizwe mandiko gono gakutya, “Wakegawila myenda yangu Ne kanzo yangu wakayitowela kula.” Ale, nhavivyo, vyo wanoza wasilikale wawo.

Yohana 19:24 Referans Kwoze

Yohana 19:28

Hanyuma Yesu, vyono yali yamanyile vyono zose zamalika, imandiko ho gafisilizwe, yakatya, “Nakaluka.”

Metumo ge Watumwa 13:27

Hambi wono wekaye ku Yelusalemi, hamonga ne wawaha wawo, si wamumanya mwene vyono yo Muponyi. Hamba si wasuma kuzimanya zinghani ze wawizi zono zasomagwa vilo vyose mu Sabato. Hamba nha vivyo wakagafisiliza i mandiko so kumuwulaga Yesu.

Yohana 10:35

Hono Mulungu yawatezaga milungu, wawalya wono wapegwa i nghani yakwe, holeka nase cimanyile vyono, Imandiko Gono Gelile, galongaga imbeka nhondo zose.

Matayo 27:35

Wakamutumbika mu musalaba, hanyuma wakagawana myenda yakwe, kwa kuyitowela kula.

Maluko 15:24

Ale wakamutumbika mu musalaba, wakagawana vivwalo vyakwe ko kutowa kula, ho walamule nani kotuga cici.

Luka 23:34

Yesu yakatya, “Baba, uwanenele, hambi nha si wamanyile yono wakwituma. Hanyuma wakagawana vivwalo vyakwe kwa kutowa kula.”

Yohana 13:18

“Zizi si nghumulonjelenyi wose. Niwamanyile wono nawahagula. Ninga yinojeye i Mandiko Gono Gelile gafisilizwe gono gakutya, ‘Yuyulya mono cikuhanga nayo zindigwa zangu, kapituka no kungaluka.’