Yohana 19:20 - I CILAGANE CIPYA 1991

²⁰ Ne Wayahudi wenji, wakagasoma Mandiko gago, hambi ihanhu baho hono yatumbicilwa Yesu, nha hali behi ne likaya. Ne mandiko gago gali gandicigwe mu nonga ye Cihebelaniya, na ye Cilatini na ye Cigiliki.

Luganuzi Luswanu Kuli Wanhu Wose 2002

²⁰ Ne Wayahudi wenji, wakagasoma Mandiko gago, hambi ihanhu baho hono yatumbicilwa Yesu, nha hali behi ne likaya. Ne mandiko gago gali gandicigwe mu nonga ye Cihebelaniya, na ye Kilatini na ye Cigiliki.

Yohana 19:20 Referans Kwoze

Wugubule 16:16

Hodu, yiyo imyuhe myavu yikawa kongholela hamonga wawo watemi, hanhu hono hacemagwa mu Cihebelaniya Hali-Magedoni.

Metumo ge Watumwa 26:14

Ase wose cikagwa hasi, ane nghahulika lizi likulongana nane mu nonga ye Cihebelaniya likutya, ‘Sawulo, Sawulo, nhawule wukungaza? Wukwitamisa bwete nhe ndogowe yono yikubana inghome yo mutwawe.’

Metumo ge Watumwa 22:2

Waza hulika vyono yakuwalonjela mu milonjele ye Cihebelaniya, wakacila muno kunyamala twii. Nayo Pawulo yakajendelela kutya,

Metumo ge Watumwa 21:40

Nayo muwaha we wasilikale, yakamukombola. Hobaho Pawulo yakema mucanyha ye zingazi yakawapunjila wanhu muwoko, nawo waza kunyamala twii, yakawa kwanza kuwalonjela nghani mu milonjele ye Cihebelaniya, yakutya.

Metumo ge Watumwa 21:37

Nawo wasilikale lono wamwinjizaga Pawulo mwigomawakali, Pawulo yakamulomba u muwaha we wasilikale, yakutya, “Wule, ndahile kukulonjela nghani?” Nayo u muwaha we wasilikale yakamutya, “Wule, wumanyile kulonga Cigiliki?

Yohana 19:13

Pilato yaza hulika nghani zizi, yakamuleta Yesu kunze, yakekala mwigoda lyo wulingʼanizi, ihanhu hono hatezagwa “Deha ye mabwe,” (na ku Cihebelaniya, “Gabata.”)

Yohana 5:2

Kuko ku Yelusalemi, behi no mulango wono wucemagwa “Mulango we Zingholo.” Hali ho lili ilamba, lyono ku nonga ye Cihebelaniya lyacemagwa “Betisaza.” Lyono lyali lina deha yihano.

Wugubule 9:11

Kanyhi zene zina no mutemi mono yazitemile, nayo yo malayika wa ku wuninyina, ne litagwa lyakwe ku nonga ye Cihebelaniya, wamucemaga, Abadoni, na kunonga ye Cigiliki kacemagwa, Apoliyoni, nha cinji “Muwulaji.”

Wahebelaniya 13:12

Yo soko, nayo Yesu yagazizwa kunze ye likaya sunga yakafwa, ho yaweze wanhu so sakami yakwe mweneco.

Luka 23:38

Hacanyha yakwe wakawika Mandiko gono gakutya “Ayu yo Mutemi we Wayahudi.”

Yohana 19:42

Alu, kusoko yo wipiganze we Wayahudi wo niwikanize so Sabato, na vyono kanyhi icitenjelo cico cali cili behi, wakamuzika Yesu mumo.