Yohana 18:40 - I CILAGANE CIPYA 1991

⁴⁰ Baho wakazoza kanyhi wakutya, “Ngʼo si yuyo, langa Balaba.” Nayo Balaba yali muhizi na muwulaji.

Luganuzi Luswanu Kuli Wanhu Wose 2002

⁴⁰ Baho wakazoza kanyhi wakutya, “Ng'o si yuyo, langa Balaba.” Nayo Balaba yali muhizi na muwulaji.

Yohana 18:40 Referans Kwoze

Luka 23:25

Yakamuwopolela Balaba mono wamusakaga, mono yali mudindile mu jela, ku so wuma no wuwulaji, ninga yakamukombola Yesu kuli wene, wamutendele vyono wasakaga.

Maluko 15:15

Nayo Pilato vyono yahila kulyendeza i lipuga lye wanhu, ale hodu, yakamuwopolela Balaba kuwulawa mu jela. Yakalajiliza vyono Yesu yakunwe ne viboko, na hanyuma yayo, yakamukombola yatumbikwe mu musalaba.

Maluko 15:7

Ale, kwali na munhu yunji mono yacemwagwa Balaba, mono yali yafunjigwe hamonga ne wafyuzi wanji ku soko yo wuleta wufyule no wuwulaji.

Matayo 27:26

Hodu, Pilato yakawa kuwawopolela Balaba, kulawa mu jela, ninga yakawa kumulavya Yesu ho yatumbikwe mu musalaba.

Matayo 27:16

Na mwidaha lilyo, kwali koyuli mufungwa yumonga litagwa lyakwe yali Balaba.

Matayo 26:55

Lo lulo lulo, Yesu yakawa kulilonjela ilipuga lye wanhu wono wazaga ho wamwibate, yakawatya, “Alu mwene ho muza kunyibata akuno mwina ne mimaje ne zinhumbi, kotya ane nha nili muhizi? Alu ane, nha nhondo zose nali kuwezaga hamonga nanye mu Nyumba yo Mulungu nghwijiza, nanye kumbe hamba si mwanyibata!