Yohana 17:19 - I CILAGANE CIPYA 1991

¹⁹ Na ku soko yawo, nane holeka nghwisiwanula no mweneco, nawo ho wasiwanulilwe mu mbeka.

Luganuzi Luswanu Kuli Wanhu Wose 2002

¹⁹ Na ku soko yawo, nane holeka nghwisiwanula no mweneco, nawo ho wasiwanulilwe mu mbeka.

Yohana 17:19 Referans Kwoze

Wahebelaniya 2:11

Hambi u mwene nha yo yakuweza wanhu u wubi wawo, hanyuma mwene hamonga na wose wono wakondya kwezwa, Wose wakuwa na Baba yumonga. Holeka nayo Yesu si yakuwona soni kuwatya wawo wanduguze,

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Yohana 17:17

Uwasiwanulile mu mbeka, inghani yako yo mbeka.

1 Wakolinto 1:2

nase, cikumwandicilenyi anye mono muli likanisa lyo Mulungu lyono lili kuko ku Kolinto. Anye mono mwakondya kwezezwa mu wilunza na Kilisito Yesu, kanyhi mukacemwa ho muwe wanhu wo Mulungu, hamonga ne wanhu wose, hanhu ho hose, wono wakumulomba u Muwaha wetu Yesu Kilisito, u Muwaha wawo, sunga na sese nha vivyo.

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

1 Watesalonike 4:7

U Mulungu si yacicema ho cikale mu mikalile yo wusenyha, langa ho cikale mu wele.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

2 Wakolinto 4:15

Na zizi zose zili kusoko ye cambuzi cenyu nyenye, ho yiwe nha kotya lihewa lyo Mulungu, likuwaficila wanhu wenji muno muno, nawo ho wasume kulavya lilumbo muno muno ko lukumyo lo Mulungu.

Wahebelaniya 9:26

hambi nha hono yali yiwe nha vivyo, nha yali yimunojele Kilisito yagazwe kali kenji ku wulawa mu mwamulizo wo wuwumbwe we yinze. Ninga alu vipango avi lono vikusejelela ku mudumo wayo, u mwene yejela kamonga du, ho yawuwuse u wubi mu wilavya mweneco kuwa ikumbiko.

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Wahebelaniya 9:13

I wanhu wono wali wetipiza ku ci dini wasumaga kwezwa no kuwa welile, lono wamizizwa i sakami ye mhene na ye ngʼombe, hamonga ne mavu ge ndama.

Wahebelaniya 9:18

Si holeka sunga ne cilagane cicilya i cilongozi si casuma kuwikwa hono hasina sakami.

Yohana 10:36

Alu ma, u mwene mono Baba yamuhagula, yakamutuma kononze, mukumutya yakutovula, ati vyono nheye, ‘Ane nili Mwana wo Mulungu?’

Yohana 15:3

Alu anye mwakondya kwela, ku so nghani yono nimulonjelenyi.

Yohana 15:13

Hasina wendo wuwaha wono wucizize u wendo wo munhu, mono yakulavya u wumi wakwe, kusoko ye wendece wakwe.

Yohana 17:20

“Hamba si nghuwalombela wawa du, langa nghuwalombela wose wono wonyihuwila kusoko ye zinghani zawo.

2 Wakolinto 7:14

Holeka nane nimukumizyenyi muno hali mwene, akuno manyiye lukulu, vyono si nghwikonga mu nghani yiyo. Hambi nha cikuwa kumulonjelenyi nghani za mbeka nhondo zose, holeka na lono cikumukumizyenyi hamwande ya Tito, si nghani za wulambi yaye, langa za mbeka.

Wakolosayi 1:6

No Luganuzi Luswanu, lukucila kulela mikalo, no kutandala mono yinze mose, nha vyono lwaza kwenyu nyenye, ku wulawa mwizuwa lililya lyono mwahulicila ze lihewa lyo Mulungu no kumanya vyono yili mbeka.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.

1 Yohana 3:18

Nye wanangu, wendo wetu wulece kuwa wa nonga du, langa wuweze wendo wa mu mbeka na mu witume.