Yohana 17:13 - I CILAGANE CIPYA 1991

¹³ Alu ninga nghuza kwako na zizi nghulonjela mononze, ho wasume kuhanga mu nyemo yangu, mu wukwilanicile.

Luganuzi Luswanu Kuli Wanhu Wose 2002

¹³ Alu ninga nghuza kwako, na zizi nghulonjela mononze, ho wasume kuhanga mu nyemo yangu, mu wukwilanicile.

Yohana 17:13 Referans Kwoze

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Yohana 15:11

Nimulonjelenyi zizi, ho nyemo yangu yiwe muli nyenye, ne nyemo yenyu ho yikwilanicile.

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

1 Yohana 1:4

Cikumwandicilenyi nanye zizi, i nyemo yenyu ho yimemelecele.

Yohana 13:3

Nayo Yesu yali yamanyile vyono Sogwe yamupeye vyose mu mawoko gakwe, na vyono yalawa kuli Mulungu, na kanyhi yakuwuya kuli Mulungu.

2 Yohana 1:12

Nina nyinji zo kumulonjelenyi, ninga sinyendile kumwandicilenyi mu kalatasi no wino, langa nitumbiye kuza kuko kwenyu ho ciduwane nanye meso kwa meso, i nyemo yetu ho yimemelecele.

Walumi 14:17

Hambi wutemi wo Mulungu nha si wuli mu wutye no wungʼwe, langa wuli mu wilingʼano, no mulamu, ne nyemo mu Muhe Mono Yelile.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Metumo ge Watumwa 13:52

Ninga iwejizwa wawo, wali wamemile nyemo, no Muhe Mono Yelile.

Yohana 7:33

Yesu yakatya, “Nghali nili hamonga nanye kwa cipango cidodo, hanyuma nobita kuli mwene mono yanhuma.

Yohana 17:11

Nane nghuza kwako luno, si nili mono yinze kanyhi. Ninga iwene wali mononze. Baba Mono Welile, wuwakamisizaje mwitagwa lyako lyono wamhela ane, nghukunena wuwakamisaje, ho wawe nha yumonga, nha vyono ase nase cili yumonga.