Yohana 16:20 - I CILAGANE CIPYA 1991

²⁰ Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

Luganuzi Luswanu Kuli Wanhu Wose 2002

²⁰ Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

Yohana 16:20 Referans Kwoze

Yakobo 1:2

Wandugu zangu, muweze na nyemo kolo mukuzizwa ne majelo ganji ganji,

Matayo 5:4

Wamoti wono wena wukalale, hambi nha wosindamikwa.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

Maluko 16:10

Nayo Malyamu Magadalena yakabita, yakawalonjela wawalya wono wali hamonga na Yesu, na mwipango lilyo, wene walilaga no kukalala.

Yuda 1:24

Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko kulukumyo lwakwe akuno musina yilema,

Luka 24:21

Nase cetumbilaga cikutya, yo mwene mono kokomboza Isilayeli. Na muli zizi zose, izuwali lye zuwa lye kadatu kulawa vyono zanozwa zizi.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Walumi 5:11

Kanyhi hamba si nhavivyo du, langa cikusangalalila muli Mulungu mu nzila yo Mutwa wetu Yesu Kilisito mono yacilamula no Mulungu.

Luka 24:17

Yakawatya, “Nghanici zono mukujenda mukwiganulila?” Wakema akuno wasininghaye.

Luka 23:27

Wakamutyatya wanhu wenji muno; na mumo mwali mowali wacekulu wono wamulililaga muno.

Wugubule 18:7

Mumupelaje magazo no wusungu, mu nghango yo wikumye wakwe, ne mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, ane nili mutemi we cicekulu. Ane si nili mufwile, hamba si nowutuga wusungu!’

Wugubule 11:10

Ne wanhu wose wono wekaye mononze, wowusecelela wufwe wa wawo wanhu wejete. Nawo wonoza sikukuu, no kwipela vipe gwa munhu na muyagwe, vyono wawa wawizi wejete wali wawagaza muno, i wanhu wa mononze.

Metumo ge Watumwa 5:41

Watumwa wakalawila hanze ye libalaza wasangalaye, vyono wejela wanojeye kukozwa cevu ku soko ye litagwa lya Yesu.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Yohana 16:6

Ninga vyono nimulonjelenyi zizi, zinhumbula zenyu zimemile wukalale.

Luka 22:62

Baho Petelo yakalawila kunze, yakalila muno muno.

Luka 22:45

Nayo yaza kondya kulomba, yakawaziza wejizwa wakwe, yakawagana wagonile so wuzinguce,

Luka 6:21

“Muli wamoti nye mono muli nzala alu, hambi nha molokwigutywa. “Muli wamoti nye mono mukulila alu, hambi nha moloseka.

Maluko 14:72

Baho nayo inzogolo yikawa kulila lwe kejete. Ale, Petelo yakakumbucila vyono Yesu yali yamulonjeye, vyono “Lono inzogolo yowa yikali siyinalila kali kejete, agwe kowa wakondya kunghana kali kadatu.” Hodu Petelo yakalila muno muno tobo ne mahozi.

1 Watesalonike 1:6

Nanye mukega u wuwe wetu, hamonga no kumwiga u Muwaha. Hamba muwe mwatuga wugaye, ninga mwayibocela nghani mu nyemo yono yikulawa mu Muhe Mono Yelile.

Yohana 20:20

Nayo yaza kukondya kulonga zizi, yakawalajila imiwoko yakwe, no lubavu lwakwe. Nawo iwejizwa wakasangalala waza kumuwona u Muwaha.

Matayo 21:38

Ninga i walimi wawalya, waza muwona u muzelelo yuyulya yakuza, wakalongana weneco wose wakatya, ‘Ayu mwene yo muhazi, holeka ciba cimuwulaje, ase ho cisole u wuhazi wakwe!’