Yohana 15:24 - I CILAGANE CIPYA 1991

²⁴ Mhali si netuma kwawo imetumo gono yunji wo wose yakali si nagetuma, mhali wawe wasina wubi. Ninga alu, waziwona zono nakondya kwituma, na vyono yinha, wakasula nene, kanyhi wakamusula na Baba nha vivilya.

Luganuzi Luswanu Kuli Wanhu Wose 2002

²⁴ Mhali si netuma kwawo imetumo gono yunji wo wose yakali nagetuma, mhali wawe wasina wubi. Ninga alu, waziwona zono nakondya kwituma, na vyono yinha, wakasula nene, kanyhi wakamusula na Baba nhavivilya.

Yohana 15:24 Referans Kwoze

Yohana 14:9

Yesu yakamutya, “Alo Filipo, i vilo vyose vivi vyono nikalane nanye, hongo wukali sinamanya? Mono yakondya kumbona ane, yamuwona na Baba. Alu kosuma nhawule kutya, ‘Wucilajile u Sogo yo Munhu.’

Yohana 5:36

Ninga ane nina wuhomelezi wangu wuwaha kuciza wa Yohana, hambi i milimo yono nghwituma, yo milimo yono yamhela Baba niyitume, nayo yo yikuhomelela vyono Baba yo yanhuma.

Yohana 10:37

Holeka hono niwe si nghwituma i milimo ya Baba, ale mulece kunyihuwila,

Yohana 10:32

Yesu yakawatya, “Nha nimulajilenyi milimo minji yono yikulawa kuli Baba, alu mulimo wa hayi muli yiyo, wono woleka munhowe ne mabwe?”

Yohana 9:32

Kuwulawa ku mwamulizo we yinze, yikali si nahulikwa za munhu mono yanuguza meso, ga munhu mono yalelwa yali cibofu.

Yohana 7:31

Wanhu wenji wa mwipuga lililya lye wanhu wakamwihuwila, wakatya, “Wulenyi ti, Kilisito kolo yakuza, konoza vitanjilo yicizize vyono yanozize yuyu?”

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Matayo 9:33

Ne licisi lyaza kuwa lyalavywa muli munhu yuyo we cibwibwi, lo lulo lulo yakawa kulonga kanyhi. Ne wanhu wakezina muno muno akuno wakutya, “Inghani yono yinha yiyi, yikali si nejela hamba mu Isilayeli!”

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

2 Timoteyo 3:4

wolowa wagaluci, we lizeze, kanyhi wamemile widunhumuzi, nawo wokwenda zo wiyendeza weneco, si nho kumwendo Mulungu.

Walumi 1:30

no kuwabalalila wayawo i makani mabi go wulambi, wo wanhu wono si wakwendeza hali Mulungu, wafyuzi, wasisi, kanyhi wevuni, wali vilungo muno muno mu wituma zimbi, kanyhi wasina cihuliko kuli walezi wawo,

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Yohana 12:45

Nayo mono yakumbona nene, yakumuwona na yuyo mono yanhuma.

Yohana 6:36

Ninga namulonjelenyi vyono hamba yiwe mukumbona, si mukunyihuwila.

Luka 24:19

Nayo yakawatya, “Nghanici lo?” Nawo wakamutya, “Zinghani zono zamutuga Yesu wa Nazaleti. Mono yali muwizi we vilungo mu mulimo, na mu zinghani hali Mulungu, na hali wanhu wose.

Maluko 2:12

Ne wanhu wose lono wali wakali wamulanjile, u munhu yuyo yakenuka lwa kamonga yaketwika i citanda cakwe, yakawa kubita.

Matayo 21:32

Hambi Yohana nha yamuzizenyi yakamulajililenyi i nzila swanu ye mikalile, ninga anye hamba si mwamwihuwila, ninga i watoweza kodi, sunga ne wasenyha wakamwihuwila. Ninga anye hamba muwe mwaziwona zizo zose, si mukasaka kuzikawaniza i zinhumbula zenyu no kumwihuwila.”

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Yohana 12:10

Ninga Wakohani wawaha wali walamuye vyono, wamuwulaje na Lazalo nhavivilya.

Yohana 9:41

Yesu yakawatya, “Mhali muwe wabofu, si mwali muwe no wusutye, ninga alu anye mukutya, ase cikuwona, na yiyo yo yikulajila vyono mukali mwina wusutye.”

Yohana 15:21

Womutendelenyi zizi zose ku soko ye litagwa lyangu, vyono si wamumanyile mono yanhuma.

Yohana 15:22

Mhali niwe si naza cilongane nawo, mhali wawe si wetumile wubi, ninga alu si wosuma kwikojela kusoko yo wubi wawo.

Yohana 15:23

Mono yasulile ane, yamusulile na Baba nha vivyo.

Yohana 16:9

Wasutizye kuli zo wubi, ku soko vyono si wanyihuwiye nene,