Yohana 15:14 - I CILAGANE CIPYA 1991

¹⁴ Anye muli wendece wangu, hono muzitume zono nghumulajilizenyi.

Luganuzi Luswanu Kuli Wanhu Wose 2002

¹⁴ Anye muli wendece wangu, hono muzitume zono nghumulajilizenyi.

Yohana 15:14 Referans Kwoze

Matayo 12:50

Vyono u munhu wo wose mono yakwituma nha vyono yakuhila Baba mono yali ku wulanga, ale, yuyo yo muwaha wangu, yo lumbu lyangu, kanyhi yo nyina yangu.”

1 Yohana 5:3

vyono kumwenda Mulungu, wo wibate we malajilizo gakwe. Ne malajilizo gakwe si mazito.

Yakobo 2:23

Holeka gakafisilizwa gagalye i Mandiko Gono Gelile gono gatezaga: “Abulahamu yakamwihuwilo Mulungu, na mu wihuwilo wakwe, yakavumilwa yawe munhu we lingʼani, holeka Abulahamu yakacemwa mwendece wo Mulungu.”

Yohana 14:21

Mono yena malajilizo gangu no kugebata, yuyo yo yanyendile, nayo mono yanyendile kokwendwa na Baba, nane nomwenda, kanyhi nokwilajila kuli mwene.”

Yohana 14:15

“Hono munyende, mokwibata i malajilizo gangu.

Luka 12:4

Nane nghumutyenyi anye mo wendece wangu, “Mulece kuwogopa wono wawulagaga muwili, na hanyuma yayo si wosuma kwituma cinji.

Yohana 13:17

Holeka hono muwe mwayimanya i mbeka yiyi, mowa wamoti hono muyitume.

Yohana 2:5

Hobaho u nyina, yakawalonjela wetumami yakawatya, “Vyono komulonjelenyi, vyo mutende.”

Yohana 14:28

Mwakondya kuhulika nghumulonjelenyi, vyono, ‘Nghubita ninga nomuwuyilenyi kanyhi.’ Mhali munyendile, mwali musangalale, vyono nghubita kwa Baba; hambi mwene nha yo Muwaha yanyhizize ane.