Yohana 15:11 - I CILAGANE CIPYA 1991

¹¹ Nimulonjelenyi zizi, ho nyemo yangu yiwe muli nyenye, ne nyemo yenyu ho yikwilanicile.

Luganuzi Luswanu Kuli Wanhu Wose 2002

¹¹ Nimulonjelenyi zizi, ho nyemo yangu yiwe muli nyenye, ne nyemo yenyu ho yikwilanicile.

Yohana 15:11 Referans Kwoze

Walumi 15:13

Ale u Mulungu mono wo musinji wo witumbilo, yamumemyenyi inyemo yose, no mulamu wono wukulawa mu wihuwilo wenyu, u witumbilo wenyu ho wonjezece mu vilungo vyo Muhe Mono Yelile.

Yohana 17:13

Alu ninga nghuza kwako na zizi nghulonjela mononze, ho wasume kuhanga mu nyemo yangu, mu wukwilanicile.

Yohana 16:24

Sunga na lulu, mukali si nalombela cinji mwitagwa lyangu. Lombenyi, nanye mopegwa, nyemo yenyu ho yikwilanicile.

1 Yohana 1:4

Cikumwandicilenyi nanye zizi, i nyemo yenyu ho yimemelecele.

1 Petelo 1:8

Anye mumwendile, hamba muwe simunamuwona, na kanyhi mumwihuwiye hamba muwe simukumuwona lulu. Holeka, mukusecelela muno ne nyemo yo lukumyo siyakulonga.

2 Yohana 1:12

Nina nyinji zo kumulonjelenyi, ninga sinyendile kumwandicilenyi mu kalatasi no wino, langa nitumbiye kuza kuko kwenyu ho ciduwane nanye meso kwa meso, i nyemo yetu ho yimemelecele.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

2 Wakolinto 1:24

Ase si cikusaka cimutemenyi mu wihuwilo wenyu, anye mono mwakondya kuwa mukamile mu wihuwilo wenyu. Langa yicinojeye, ciwitume u mulimo hamonga nanye, ku soko ye nyemo yenyu.

1 Watesalonike 5:16

Mweze museceleye nhondo zose,

Luka 15:32

Ninga yali yicinojeye cinoze sikukuu no kusangalala; hambi ayu mwanakwenyu, nha yali kotya yafwiye, kumbe mumi; yali yajiliye ninga alu yejela.’ ”

Luka 15:9

Nayo kolo yakuyiwona, yakuwacema wendece wakwe ne wayagwe, yakutya, ‘Cisangalalane nane, hambi nha nayiwona silinje yangu yono nali nyajilize.’

Wafilipi 1:25

Kanyhi nina witumbilo so nghani yiyi, manyile vyono nojendelela kwikala mumi hamonga na nyenye wose, ho sume kuwonjeleza u wujendelele wenyu ne nyemo mu wihuwilo.

Waefeso 5:18

Mulece kugala wujimbi, hambi wuwo nha wuletaga i mikalile ye caka caka, langa mweze mumemile u Muhe Mono Yelile.

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

Luka 15:5

Na kolo yayiwona, yakuyiwegala mu mawega gakwe yasangalaye.

Luka 15:23

Muwulaje ne ngʼombe yono yijinile cinoze sikukuu, cilye, cisangalale.