Yohana 14:2 - I CILAGANE CIPYA 1991

² Ku kaya ya Baba kowuli wikalo winji, mhali si nhavivyo, nali nimulonjelenyi. Alu nghubita kumuwikanizizenyi wikalo.

Luganuzi Luswanu Kuli Wanhu Wose 2002

² Ku kaya ya Baba kowuli wikalo winji, mhali si nhavivyo, nali nimulonjelenyi. Alu nghubita kumuwikanizizenyi wikalo.

Yohana 14:2 Referans Kwoze

2 Wakolinto 5:1

Hambi nha cimanyile vyono kaya yiyi ya kononze yono cikaye lulu, wo wutya u muwili wetu, kolo yeza yapambulwa u Mulungu nha kocipela kaya yinji kuko ku wulanga, kaya yono yayinoza mweneco yo wikalo we cibitilila, yono si yizenjigwe ne miwoko.

Yohana 13:36

Simoni Petelo yakamutya, “Alu Muwaha, wukubita hayi?” Yesu yakatya, “Kono nghubita alu baha, si kosuma kunhyatya, ninga kolonhyatya hanyuma langa.”

Wahebelaniya 13:14

Hambi akuno kono yinze nha cisina likaya lyono likalaga; langa cikulilondola lyono likuza.

Wugubule 21:2

Nghaliwona likaya lyono lyelile, nalyo likutima kulawa kuli Mulungu kucanyha, nayo yo Yelusalemi ʼmhya. Nalyo lyali iwikanizize lukulu nha bibi halusi muhambwe viswanu, mono yawikanizwe so mulume wakwe.

Wugubule 3:12

Wono wosuma, nowanoza wawe masumbili mu Nyumba yo Mulungu wangu nawo hamba si wolowucila lukulu mumo. Kanyhi nokwandika muli wene litagwa lyo Mulungu wangu, ne litagwa lye likaya lyo Mulungu wangu, yo Yelusalemi yimhya, i likaya lyono lyotima kulawa ku wulanga ko Mulungu wangu. Kanyhi nokwandika ilitagwa lyangu yipya muli wene.

Wahebelaniya 11:10

Hambi Abulahamu nha yalindilaga likaya lyono lina u musinji wono wukamile, i likaya lyono u Mulungu mweneco yo munghula mono yalihwesa no kulizenga.

Yohana 13:33

“Wanangu, cowezana nanye hadodo vivi du. Monondola, Ninga nalu nghumulonjelenyi nha vyono nawalonjela iwalongola we Wayahudi, ‘Ane kono nghubita, anye si mosuma kuza.’

Yohana 16:4

Ninga nimulonjelenyi zizi, kolo cikuza cidaha cazo, ho mukumbucile zizo, vyono namulonjelenyi. “Si namulonjelenyi zizi ha mwamulizo, vyono nali nikaye nanye.

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali si yinawumbwa.

Wahebelaniya 6:20

Nayo Yesu yo yalongola kwinjila mumo ku soko yetu, nayo yawa Mukohani Muwaha cibitilila, mu wutyatya u wityatye wo wukohani wa Melicizedeki.

Wugubule 3:21

“Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,

Wahebelaniya 9:8

Na ku wulawa mu wityatye wuwo, u Muhe Mono Yelile yakwijiza calinze vyono, mu cipango cico lono lihema lilongozi lya kudeha likali limile, ne nzila yo kwinjliila i Hanhu Hono Helile nayo yikali si yinadigulwa.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

1 Watesalonike 5:9

Hambi u Mulungu nha si yacihagula ho citamiswe mwikuwo lyakwe, langa ho ciyituje i mhonelo mu nzila yo Muwaha wetu Yesu Kilisito,

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Yohana 14:28

Mwakondya kuhulika nghumulonjelenyi, vyono, ‘Nghubita ninga nomuwuyilenyi kanyhi.’ Mhali munyendile, mwali musangalale, vyono nghubita kwa Baba; hambi mwene nha yo Muwaha yanyhizize ane.

Luka 14:22

Hanyuma u mwitumami yakatya, “Muwaha zose zono ulonjile, zanozwa zakondya, ninga hakali hocili cilejeho.”