Yohana 14:13 - I CILAGANE CIPYA 1991

¹³ Na yo yose yono molomba mwitagwa lyangu, nokwituma, ho Sogo yo Munhu yakumizywe muli mwanagwe.

Luganuzi Luswanu Kuli Wanhu Wose 2002

¹³ Na yo yose yono molomba mwitagwa lyangu, nokwituma, ho Sogo yo Munhu yakumizywe muli mwanagwe.

Yohana 14:13 Referans Kwoze

Yohana 15:7

Hono mwikale muli nene ne zinghani zangu hono zikale muli nyenye, ale mulombe co cose cono mukusaka, nanye mopegwa.

Maluko 11:24

Holeka nghumutyenyi, lono mukulomba no kusaka cinji, mwihuwile du vyono mwakondya kupegwa, nanye mozituga.

Matayo 21:22

Na hono muwe no wihuwilo du, ale co cose du cono mocilomba mu wulombe wenyu, cico mocituga.”

Matayo 7:7

“Lombenyi nanye mopegwa, londolenyi nanye mowona, mukongʼonhe nanye modigulilwa.

1 Yohana 5:14

Nase cina wuluwuce hali Mulungu, hambi nha cimanyiye lukulu vyono hono cimulombe cinji ca mu wuhile wakwe, u Mwene yakuwa kucihulika.

Yohana 16:23

Mwizuwa lilyo si molosaka cinji kuliʼne, Mbeka nghumutyenyi, “Hono mumulombe Baba cinji mwitagwa lyangu, komupelenyi.

1 Yohana 3:22

nase cosuma kubocela co cose cono colomba, hambi nha cigebate malajilizo gakwe, no kwituma zono zikumwendeza.

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Yohana 14:14

Hono mulombe cinji mwitagwa lyangu, vyo nonoza.

Yakobo 5:16

Ale, mweze kwiyivumilila mabi genyu, mwilombelaje, ho muponywe. Uwulombe wo munhu we lingʼani wina vilungo vyo kwituma nyinji.

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

Waefeso 3:12

Holeka mu wilunza na Kilisito, na mu nzila yo wihuwilo muli Kilisito, ase cikwijelela kumusejelela u Mulungu cisina woga.

Yohana 16:26

Mwizuwa lilyo molombela mwitagwa lyangu, nane si nghumutyenyi vyono, nolomulombelenyi kuli Baba,

Yohana 10:30

Ane na Baba yo yumonga.”

Waefeso 2:18

Holeka mu nzila yakwe ase wose, Wayahudi ne wanhu we makungugo ganji, cosuma kumubitila Baba mu Muhe monga.

Wakolosayi 3:17

Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

Yohana 7:37

Mwizuwa lyo mumalilizo we sikukuu yiyo, lyali izuwa iwaha. Yesu yakema yakalonga yenuye lizi, yakutya, “Munhu wo wose, mono yakaluce, yaze kwangu yangʼwe.”

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 12:44

Hanyuma, Yesu yakalonga na lizi iwaha, yakatya, “Munhu mono yanyihuwiye nene, si yanyihuwiye nene du, langa yamwihuwiye mono yanhuma.”

Luka 11:9

“Nane nghumutyenyi: Lombenyi mopegwa; londolenyi nanye motuga; mukongʼonhe nanye modigulilwa.

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendezo Mulungu mu nzila ya Yesu Kilisito.

Yohana 5:19

Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, kusoko cicilya cono sogwe ketumaga, no mwana nayo vyo ketumaga nha vivyo.

Wahebelaniya 13:15

Ale nhondo mu nzila ya Yesu, cimulavizyaje u Mulungu likumbiko lyo lukumyo nhondo zose, wo wutya, u lukumyo lono lukuletwa ne wanhu wono wakulivumila litagwa lyakwe.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

Waefeso 3:14

Ku soko yiyo holeka nghumufugamila u Sogo yo Munhu,

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Yohana 4:10

Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Yohana 16:7

Ninga nghumulonjelenyi mbeka, vyono, ho vyowa viswanu kuli nyenye hono mbite, kusoko ane hono ndece kubita, u Mutazi si komuzizenyi yaye. Ninga hono mbite, ale, nomutuma kuli nyenye.

Yohana 13:31

Yaza kuwa Yuda yalawila kunze, Yesu yakatya, “Alu u Mwana wo Munhu kakumywa, no Mulungu kakumizywa muli mweneco.

1 Wakolinto 14:13

Holeka mono yakulonga mu milonjele mijenzi, yimunojeye yalombe, ho yasume kuyilolosa.