Yohana 13:5 - I CILAGANE CIPYA 1991

⁵ Yakawa kutajila i malenga mu ciya, yakawa kwanza kuwazuguza iwejizwa wakwe imigulu, no kuyipata ne citema cono yali yetunjlie.

Luganuzi Luswanu Kuli Wanhu Wose 2002

⁵ Yakawa kutajila i malenga mu ciya, yakawa kwanza kuwazuguza iwejizwa wakwe imigulu, no kuyipata ne citema cono yali yetunjile.

Yohana 13:5 Referans Kwoze

Luka 7:44

Hanyuma yakamupitucilo mucekulu, no kumutya Simoni, “Kumuwona ta mucekulu yuyu? Ane ninjila mu nyumba yako, malenga go kuzuguza magulu gangu, si umheye ngʼo. Ninga mucekulu ayu, kasuluziza mahozi gakwe mu magulu gangu no kugapata kwe zimvili zakwe.

1 Timoteyo 5:10

yeze mono yena lilumbo yiswanu, umucekulu mono yawawiluse wanagwe viswanu, mono yawabocela wajenzi mukaya yakwe, mono yawazuguza magulu iwanhu wo Mulungu, yawataza wanhu mu wugaye wawo, kanyhi yelavya ku wituma metumo maswanu.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swe.

Wahebelaniya 10:22

Holeka cimusejelelaje u Mulungu ne nhumbula yo winenenyhezi no wihuwilo wono wumemeleceye, mu nhumbula yono yezigwe mu ciselinji cibi, na mu miwili yono yihovugwe ne malenga mazelu.

Waefeso 5:26

Yanoza nhavivyo ho yalyezeze mu nghani yakwe, yaliwice siya kuli Mulungu, lono yakondya kulyeza ko kulihovuga kwe malenga,

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwitagwa lyo Muwaha Yesu Kilisito na ko Muhe wo Mulungu wetu.

Metumo ge Watumwa 22:16

Nhawule lu wukucela? Winukaje, wubaputizwe wuwusizwe lukulu uwubi wako, kuno wukulicemeleza ilitagwa lyo Muwaha.’

1 Yohana 5:6

Yesu Kilisito mono yaziza mu malenga go wubaputizo wakwe na mu sakami yo wufwe wakwe. Siyaziza mu malenga du, langa mu malenga ne sakami. No Muhe nayo yakuhomelela vyono yili mbeka, hambi u Muhe nha yo mbeka.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

Yohana 19:34

Ninga musilikale yunji muyawo, yakamucinya Yesu no mugoha ha lubavu, hobaho isakami ne malenga yikalawila. (

Luka 7:38

yakema behi na Yesu, yakulila, ne mahozi gakwe gakamusululila Yesu mu magulu. U Mucekulu yuyo yakayipata migulu ya Yesu kwe zimvili zakwe. Yakamunonela muno magulu, yakagabaka i magulu ne mafuta gagalya.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,

Yohana 13:10

Nayo Yesu yakamutya, “Mono yakondya kwihovuga, si kosaka kanyhi kwihovuga, langa magulu, hambi nha yakondya kwela u muwili wose. Ale, nanye mwelile, ninga si wose.” (

Yohana 13:8

Petelo yakamutya, “Agwe si ko nzuguziza lukulu imigulu yangu.” Yesu nayo yakamutya, “Hono ndece kukuzuguza, hodu, si kosuma kuwa mwijizwa wangu kanyhi.”

Yohana 13:6

Yakafika hali Simoni Petelo: Nayo Petelo yakatya, “Muwaha, alo gwegwe wunzuguze magulu gangu?”