Yohana 12:49 - I CILAGANE CIPYA 1991

⁴⁹ Ku soko ane si nonjile ko wulajilize wangu no mweneco, langa Baba mono yanhuma, yo yandajilize zono nolonga na zono notya.

Luganuzi Luswanu Kuli Wanhu Wose 2002

⁴⁹ Ku soko ane si nonjile ko wulajilize wangu no mweneco, langa Baba mono yanhuma, yo yandajilize zono nolonga na zono notya.

Yohana 12:49 Referans Kwoze

Yohana 14:10

Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.

Yohana 8:26

Nina nghani nyinji zo kulonga, no kulavya ningʼaniza mulinye. Ninga mono yanhuma yo we mbeka, nane nghuwalonjela iwanhu we yinze, zinghani zizo du, zono nazihulika kuli mwene.”

Yohana 5:30

“Ane si nosuma kwitumila cinji mu wulajilize wangu no mweneco, ane nghulingʼaniza nha vyono hulikaga kwa Baba, ne ningʼaniza yangu ya mbeka, hamba si nyendile kwituma zo wuhile wangu no mweneco, langa vyono yendile mono yanhuma.

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 14:31

Ninga we yinze yiwanojeye wamanye vyono ane nimwendile Baba, holeka nghuzituma zose nha vyono Baba yandajiliza nitume. Inucenyi ciwuce baha!

Yohana 15:15

Alu anye, ane si nghumucemenyi wetumami kanyhi, ku soko u mwitumami, si yamanyile zono ketumaga u muwaha wakwe. Ninga ane nimucemenyi anye wendece wangu, kusoko vyono nimulonjelenyi zose zono nazihulika kulawa kuli Baba.

Yohana 8:42

Yesu yakawatya, “Mhali Mulungu yo Sogo yenyu, mwali munyende ane, hambi ane nha nalawa kuli Mulungu nghaza baha. Hamba si neyiziza ko wulajilize wangu no mweneco, langa umwene yo yanhuma.

Yohana 3:32

Zono yaziwona na zono yazihulika zo yakuzihomelela, ninga hasina mono yakumubocela wuhomelezi wakwe.

Yohana 3:11

Mbeka nghukulonjela, ase cilongaga zono cizimanyile, no kuhomelela zono caziwona, nanye si mukuwuvumila uwuhomelezi wetu.

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Yohana 5:19

Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, kusoko cicilya cono sogwe ketumaga, no mwana nayo vyo ketumaga nha vivyo.

Yohana 6:68

Simoni Petelo yakamupitula yakatya, “Muwaha cobita kuli nani? Nha yo gwegwe mono wina zinghani zo wumi we cibitilila.

Yohana 7:16

Nayo Yesu yakawapitula, yakawatya, “Imejizo gono nghwijiza, si gangu yaye, langa ga yuyo mono yanhuma.

Yohana 8:28

Holeka Yesu yakawalonjela “Kolo mwakondya kumutumbika Mwana wo Munhu, baho ho molomanyila vyono ‘Ane yo Nene.’ Na kanyhi vyono si nghwitumila cinji co cose mu wulajilize wangu, langa nghulonga zizilya du zono nejizwa na Baba.

Yohana 14:24

Nayo mono siyanyendile, si yakwibata zinghani zangu. Ne nghani yono mwayihulika si yangu langa ya Baba mono yanhuma.