Yohana 12:35 - I CILAGANE CIPYA 1991

³⁵ Yesu yakawatya, “Cikali cidaha cidodo, u wuzelu mwina nawo. Holeka mujende lono mukali mwina wuzelu wuwo, ho citi cilece kumwaganenyi, kusoko mono yakujenda mu citi, si yamanyile na kono yakubita.

Luganuzi Luswanu Kuli Wanhu Wose 2002

³⁵ Yesu yakawatya, “Cikali cidaha cidodo, u wuzelu mwina nawo. Holeka mujende lono mukali mwina wuzelu wuwo, ho citi cilece kumwaganenyi. Ku soko mono yakujenda mu citi, si yamanyile na kono yakubita.

Yohana 12:35 Referans Kwoze

Yohana 12:46

Ane naza, ho niwe wuzelu kononze, muli wose wono wonyihuwila, walece kwikala mu wutitu.

Yohana 16:16

“Mu cipango cidodo, si mombona hamba nhavi, na hanyuma hadodo, ho mombona kanyhi!”

Waefeso 5:8

Hambi ikatali nha mwali mu wutitu, ninga alu mweza muli mu wuzelu so wilunze wenyu no Muwaha. Holeka mwikalaje nhe wana wo wuzelu,

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Yohana 11:10

Ninga munhu hono yawe kujenda ne cilo, kokwikobala, vyono wuzelu wuli musina muli mwene.”

Yohana 12:36

Holeka lono mukali mwina wuzelu, muwihuwilaje wuwo wuzelu, ho muwe wana wo wuzelu.” Yesu yaza kukondya kulonga zizi, yakawuka, yakehundika.

Yohana 7:33

Yesu yakatya, “Nghali nili hamonga nanye kwa cipango cidodo, hanyuma nobita kuli mwene mono yanhuma.

2 Wakolinto 3:14

Ninga i mahala gawo gakamufywa. Sunga na lulu, lono cikusomwa i citabu ce Cilagane ce Katali, i cicitizo cico nha cikali cili baho du. Ne cicitizo cico cosuma kuwuswa du, lono munhu yakondya kwilunza na Kilisito.

Yohana 11:9

Yesu yakapitula yakawatya, “I vipango ikumi na vyejete vye misi, alo vilikusina? Munhu hono yajende misi, si kosuma kwikobala, hambi nha yakuwuwona u wuzelu we yinze yiyi.

Wagalatiya 6:10

Holeka lono cikali cina cilejeho, yicinojeye ciwatendele wanhu wose i ziswanu, na ko muno i wandugu zetu wa mu wihuwilo wetu.

Luka 18:37

Wakamutya, “Yesu wa Nazaleti yakupuluta.”