Yohana 12:27 - I CILAGANE CIPYA 1991

²⁷ “Alu nhumbula yangu yikugazika, wule, alu noze cici? Hamba nitye, ‘Baba ulece kucikombola icidaha cici cificile?’ Ninga yo soko yono yaleka ane nghaza, ho nicikolele i cipango cici ce magazo.

Luganuzi Luswanu Kuli Wanhu Wose 2002

²⁷ “Alu nhumbula yangu yikugazika, wule, alu noze cici? Hamba nitye, ‘Baba wulece kucikombola icidaha cici cificile?’ Ninga yo soko yono yaleka ane nghaza, ho nicikolele i cipango cici ce magazo.

Yohana 12:27 Referans Kwoze

Yohana 12:23

Nayo Yesu yakawatya, “Icidaha co kukumizywa u Mwana wo Munhu, cakondya kufika!

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi lono yamuhembaga no kumulomba u Mulungu mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.

Yohana 13:21

Yesu yaza kukondya kulonga zizi, yakagazika muno mu nhumbula, yakawa kulonga yakatya, “Mbeka nghumutyenyi, muyenyu yumonga, kongaluka.”

Matayo 26:42

Yakabita kanyhi lwe kejete yakalomba yakutya, “Baba hono yiwe si yisumice icikombe cicino co wusungu cimhulute ndece kucigʼwa, ale, hodu, u wuhile wako witumwe.”

Wahebelaniya 2:14

Alu nha vyono yinha, i wana wawo nha vyono mwene yakuwacema, wo wanhu wono wena muwili ne sakami, nayo Yesu mweneco, yakawa nha vyono wenha wene, nayo yakasola i hwani yawo yakawa munhu. Yanoza nha vivyo, ho yiwe so wufwe wakwe, yamusumile lukulu Setani, mono yena i vilungo vye lifwa,

Luka 22:44

Nayo vyono yali mu wusungu wuwaha, yakehinda kulomba, ne lituguti lyakwe likawa nha mabanhi ga Sakami gakasulula ho hasi.]

Yohana 18:37

Baho Pilato yakamutya, “Alu agwe wuli mutemi hongo?” Yesu yakapitula, “Kulonga heya, vyono ane nili mutemi. Ane nha nalelwa kusoko yiyo, na kanyhi ku soko yiyo nghaza kononze, ho niwalonjele wanhu muli ze mbeka. Na munhu wo wose mono yali mu mbeka, yuyo kahulikaga.”

Luka 22:53

Lono caswezanaga nanye nhondo zose mu Nyumba yo Mulungu, nha si mwasuma kunyibata, ninga aci co cipango cenyu, co cipango co wutemi we citi.”

1 Timoteyo 1:15

No wulonje wuwu nha we mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

Yohana 11:41

Hodu, wakawa kuliwusa libwe. Nayo Yesu yakagalamila ku wulanga, yakatya, “Baba nghukulumba vyono agwe wukuhuliciza ane.

Matayo 11:25

Mwipango lilyo Yesu yakatya, “Nghukulumba gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Matayo 11:26

Heya, Baba, vyo wali wendile go mweneco.”

Matayo 26:45

Hanyuma yakawabitila wawalya wejizwa yakawatya, “Wulenyi, alu mukali mugonile du no kuceha? Lanjenyi ta! Alu icipango ceneco langa ho cafika, no Mwana wo Munhu kolavywa kuli i wanhu wanyo wubi.