Yohana 11:53 - I CILAGANE CIPYA 1991

⁵³ Nawo vyono walawa lizuwa lililya, i walongola we Wayahudi wakawa kulondola nzila ho wamuwulaje Yesu.

Luganuzi Luswanu Kuli Wanhu Wose 2002

⁵³ Nawo vyono walawa lizuwa lililya, i walongola we Wayahudi wakawa kulondola nzila ho wamuwulaje Yesu.

Yohana 11:53 Referans Kwoze

Metumo ge Watumwa 9:23

Na vyaza kupuluta vilo vinji, Wayahudi wakeheha ho wamuwulaje Sawulo.

Metumo ge Watumwa 5:33

Ninga wose wono wali wali baho mwibalaza lilyo waza kuzihulika zizi, wakakolwa ne likuwo, sunga wahilaga kuwawulaga.

Yohana 12:10

Ninga Wakohani wawaha wali walamuye vyono, wamuwulaje na Lazalo nhavivilya.

Yohana 11:47

Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Maluko 14:1

Na lono vyali vikali vilo vyejete du, ho yiwe sikukuu ya Pasaka na ye mikate yono siyisasize. Iwakohani wawaha ne wejizi wo Wulajilize, walondolaga nzila yo kumwibata Yesu ko wusugu ho wamuwulaje.

Maluko 3:6

Lo lulolulo i Wafalisayo wakalawila kunze ye nhangʼanilo yo wuhembelo, nawo wakeheha hamonga ne cipuga ce wanhu wa Helode, vyono womuwulaga Yesu.

Matayo 26:59

Hodu i Wakohani wawaha ne libalaza lyose, wakalondola wuhomelezi wo wulambi kuli Yesu, ho wamuwulaje,

Matayo 22:46

Hamba hasina wo wose mono yasuma kumupitula cinji. No wulawilila mwizuwa lilyo, hasina mono yejelela kanyhi kumuwuza cinji co cose.

Matayo 16:21

Na vyono kulawa baho, Yesu yakawa kuwamanyiza cagalanze du i wejizwa wakwe, yakawatya, “Yinojeye ane mbite ku Yelusalemi ho nghatuje wugazwe winji wono wolawilila muli wanyamhala ne Wakohani wawaha, hamonga ne wejizi wo Wulajilize. Nane nowulagwa na mwizuwa lye kadatu, nozukulwa.”

Matayo 12:14

Hodu i Wafalisayo wakawa kulawila kunze, wakawa kulongana vyono wosuma kumongomeza Yesu.

Matayo 26:4

Wakalongana weneco wose wakulondola i nzila yo kumwibatila Yesu ko wusugu, ho wamuwulaje.

Yohana 7:1

Hanyuma ya zizi, Yesu yajendaga mu Galilaya, hamba si yendaga kujenda mu Yudiya, vyono i walongola we Wayahudi wahilaga kumuwulaga.