Yohana 11:4 - I CILAGANE CIPYA 1991

⁴ Ninga Yesu yaza hulika, yakatya, “Uwutamwa wuwu si womuwulaga yaye, langa wuli so lukumyo lo Mulungu, katamwa ho u Mwana wo Mulungu nayo yakumizywe muli wuwo.”

Luganuzi Luswanu Kuli Wanhu Wose 2002

⁴ Ninga Yesu yaza hulika, yakatya, “Uwutamwa wuwu si womuwulaga yaye, langa wuli so lukumyo lo Mulungu, katamwa ho u Mwana wo Mulungu nayo yakumizywe muli wuwo.”

Yohana 11:4 Referans Kwoze

Yohana 11:40

Yesu yakamutya, “Alo si nghulonjela vyono hono wihuwile, kowona lukumyo lo Mulungu?”

Yohana 9:3

Yesu yapitula yakatya, “Ayu si vyono yetuma wubi, hambe walezi wakwe, holeka yalelwa yali cibofu. Ninga yalelwa yali cibofu, ho vilungo vyo Mulungu vijele vikwituma muli mwene.

1 Petelo 4:14

Hambi nha muli wamoti, hono muliʼgwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muliʼnye.

Yohana 5:23

ho wanhu wose wamogope u Mwana, nha vyono wamogopaga u Sogo yo munhu. Mono siyakumogopo Mwana, si yakumogopa no Sogo yo munhu mono yamutuma.

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba si nawumbwa.

Yohana 2:11

Aci co citanjilo cilongozi, Yesu yacinozeza ku Kana ya ku Galilaya, yakalulajila u lukumyo lwakwe, nawo wejizwa wakwe wakamwihuwila.

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.

Wafilipi 1:20

U wuhile wangu no witumbilo wangu, ho ndece kulemwa mu wufisiliza u mulimo wangu, langa nojendelela kuwa na nhumbula yono yikamile mu mapango gose na ko muno mwipango lili, ho mu mikalile yangu yose, hono niwe nghali mumi hamba hono niwe nafwa, nimutujile Kilisito lilumbo.

Yohana 17:1

Yesu yaza kukondya kulonga zizo, yakagalamila kucanyha ku wulanga yakatya, “Baba icidaha cafika! Ale wumukumyaje mwanago, nayo mwanago ho yakukumye.”

Yohana 9:24

Hobaho wakawa kumucema lwe kejete, yuyulya mono yali yali cibofu, wakamutya, “Lonje mbeka hali Mulungu! Ase cimanyile vyono munhu yuyu yena wubi.”

Yohana 8:54

Yesu yakawapitula, “Hono niyikumye no mweneco, ulukumyo lwangu lowa si cinji. Baba yo yakunghumya, mono nanye mumutezaga Mulungu wenyu.

Walumi 11:11

Nane nghuwuza nghutya, alu i Wayahudi wekobala ho, sunga wakajilila lukulu wose? Aa, ngʼo, vyo si vinha! Langa ku soko yo wugwe wawo, imhonelo yiwaziza i wanhu we makungugo ganji, i Wayahudi ho wawawonele wivu.

Yohana 17:10

Na vyose vyono nina navyo nha vyako, ne vyako nha vyangu. No lukumyo lwangu, lukwijelela muli wawo wono wamhela.

Yohana 12:28

Baba wulikumyaje litagwa lyako.” Baho likaza lizi likulawa ku wulanga, likutya, “Nalikumya, kanyhi nolikumya.”

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”