Yohana 10:30 - I CILAGANE CIPYA 1991

³⁰ Ane na Baba yo yumonga.”

Luganuzi Luswanu Kuli Wanhu Wose 2002

³⁰ Ane na Baba yo monga.”

Yohana 10:30 Referans Kwoze

Yohana 14:9

Yesu yakamutya, “Alo Filipo, i vilo vyose vivi vyono nikalane nanye, hongo wukali sinamanya? Mono yakondya kumbona ane, yamuwona na Baba. Alu kosuma nhawule kutya, ‘Wucilajile u Sogo yo Munhu.’

Yohana 5:23

ho wanhu wose wamogope u Mwana, nha vyono wamogopaga u Sogo yo munhu. Mono siyakumogopo Mwana, si yakumogopa no Sogo yo munhu mono yamutuma.

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 8:58

Yesu yakawatya “Ane nghumulonjelenyi mbeka, vyono lono Abulahamu yali yakali si nalelwa, ane nali nili baho.”

Yohana 5:17

Ninga Yesu yakawalonjela, “Baba yakwituma milimo cibitilila, holeka nane nghwituma milimo nha vivilya.”

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lwo Mulungu Muwaha no Mukombozi wetu Yesu Kilisito.

Yohana 17:10

Na vyose vyono nina navyo nha vyako, ne vyako nha vyangu. No lukumyo lwangu, lukwijelela muli wawo wono wamhela.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Yohana 16:15

Vyose vyono yena navyo Baba, nha vyangu, na ku soko yiyo holeka nheye, yuyo u Muhe Mono Yelile, kolomulonjelenyi zono kozituga kulawa kwangu.

1 Yohana 5:7

Holeka wali baho wahomelezi wadatu.

Yohana 10:29

Baba mono yamhela, yo Muwaha yacizize wose, na hasina munhu mono kosuma kuziwusa mu miwoko ya Baba.

Yohana 10:36

Alu ma, u mwene mono Baba yamuhagula, yakamutuma kononze, mukumutya yakutovula, ati vyono nheye, ‘Ane nili Mwana wo Mulungu?’