Yohana 10:27 - I CILAGANE CIPYA 1991

²⁷ Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Luganuzi Luswanu Kuli Wanhu Wose 2002

²⁷ Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Yohana 10:27 Referans Kwoze

Yohana 10:16

Hozili zingholo zangu zinji zono si zili mwibululu lili, yinojeye zizo nazo nizilete; Nazo zolihulika ilizi lyangu. Nazo zowa itewa limonga no mudimi yumonga.

Yohana 10:14

Ane yo nene u mudimi muswanu. Iwangu niwamanyile, nawo iwangu, wamanyileʼne,

Wugubule 3:20

Wuhulicize ta! Ane nimile ha mulango, nghukongʼonha. Munhu hono yalihulice lizi lyangu, no kudigulo mulango, ane nokwinjila mumo mu nyumba yakwe, nane nolizana nayo zindigwa, nayo kolya hamonga nane.

1 Wakolinto 8:3

Ninga u munhu mono yamwendile u Mulungu, yuyo langa yo yamanyice kuli mwene.

Wahebelaniya 3:7

Holeka nha vyono yakulonga u Muhe Mono Yelile, yakutya: “Holeka i zuwali hono muhulice lizi lyo Mulungu,

Yohana 5:25

Mbeka nghumutyenyi, i cipango cikuza, na lulu caza, i cipango cono i wafu wolihulika ilizi lyo Mwana wo Mulungu, nawo wono wolihulika wowa womi.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Wagalatiya 4:9

Ninga alu vyono mwakondya kumumanya u Mulungu, lunji citye vyono mwakondya kumanyika no Mulungu, alu nhawule kanyhi mukuwuya ne nyuma no kuyitumamila kanyhi myuhe ayilya miciwa kanyhi yisoceye?

Yohana 10:8

Na wose wono walongola kuza, lono ane nali nghali si naza, wawo wo wahizi, kanyhi waboci, nawo hamba ne zingholo si zawahulika.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. Na munhu wo wose mono yakunyitumamila ane, nayo Baba komupela lilumbo.

Yohana 8:43

Alu kusokoci si mukwizuka zono nghulonga? Kusoko vyono si mwendile kuyihuliciza inghani yangu.

Luka 9:23

Hanyuma yakawalonjela wanhu wose, “Yunji wowose hono yahile kuza munyuma yangu, yimunojeye yekapise mweneco, yadinghule musalaba wakwe vilo vyose, yanhyatye.

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, ale yimunojeye yeleje no wavu.”

Yohana 21:22

Yesu yakamutya, “Hono nyende yuyu yekale sunga kolo nghuza, agwe wina nghani ʼci? Agwe wunhyatyaje nene.”

Luka 13:27

Nayo kolotya, “Nghumutyenyi, simanyile kono mulawile; muwuce hono mwande yangu, anye wose mono mwitumaga zo wubi.”

Maluko 8:34

Hanyuma Yesu yakalicema i lipuga lye wanhu, hamonga ne wejizwa wakwe, yakawatya, “Hono munhu wo wose yasace yawe mutyatyi wangu ale, yimunojeye yekapise mweneco, yawudinghule umusalaba wakwe.

Matayo 25:12

Ninga u mwene yakawapitula yakatya, ‘Nghumulonjelenyi mbeka, vyono ane si nghumumanyenyi.’ ”

Matayo 16:24

Hanyuma Yesu yakawalonjela i wejizwa wakwe, yakawatya, “Hono munhu wo wose yasace kuwa mutyatyi wangu, yimunojeye yekapise mweneco, yawudinghule u musalaba wakwe, yanhyatye.

Matayo 7:23

Baho nane nowalonjela nitye, ‘Ane si nghumumanyenyi hamba hadodo, muwuce ha mwande yangu anye wose mo wetuma wubi!’

Wugubule 14:4

I wanhu wawo, wo wanhu wono weyikamisa mu wele wose, wono siwetumana makani go wusulumizi na wecicekulu, hambi wene nha wasindile. I wene wawo, wamutyatyaga Mwana we ngholo ko kose kono yakubita. Wawo wo wagulwa kulawa muli wanhu wanji, kanyhi wakawa wo walongozi kulavywa kuli Mulungu na kuli Mwana we ngholo.

Metumo ge Watumwa 3:23

“Na yowa muli wose mono si komuhulika muwizi yuyo, kotengwa no kutagwa kutali ne wanhu wo Mulungu.

Maluko 10:21

Nayo Yesu yakamulanga, yakamwenda, yakamutya, “Alu wukusakwa witume nghani monga du, nayo yoyi, wubite wukaguze ivinhu vyose vyono wina navyo, ukawapele waciwa, nagwe kowa na sawo ku wulanga, hanyuma ho wuze wunhyatye.”