Yohana 10:18 - I CILAGANE CIPYA 1991

¹⁸ Hasina munhu mono yakumboka u wumi wangu, langa nghuwulavya nene no mweneco. I vilungo vyo kuwulavizya, nina navyo, ne vilungo vyo kuwusolela, kanyhi nina navyo. Na Baba vyo yandajiliza nitume.”

Luganuzi Luswanu Kuli Wanhu Wose 2002

¹⁸ Hasina munhu mono yakumboka u wumi wangu, langa nghuwulavya nene no mweneco. I vilungo vyo kuwulavizya, nina navyo, ne vilungo vyo kuwusolela kanyhi, nina navyo. Na Baba vyo yandajiliza nitume.”

Yohana 10:18 Referans Kwoze

Wahebelaniya 2:9

Langa cikumuwona Yesu mono yanozwa mudodo kwa cipango cidodo si nhe wamalayika, na so i lihewa lyo Mulungu, yafwe ku soko ye wanhu wose. Sunga nalu cikumuwona yakondya kutemywa ko lukumyo ne lilumbo, ku soko yo wutamiswe we lifwa.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Yohana 10:17

“Ku soko yiyo holeka Baba yanyendile, vyono nghuwulavya u wumi wangu, ho niwusole kanyhi.

Yohana 14:31

Ninga we yinze yiwanojeye wamanye vyono ane nimwendile Baba, holeka nghuzituma zose nha vyono Baba yandajiliza nitume. Inucenyi ciwuce baha!

Yohana 6:38

Hambi nha natima kulawa ku wulanga, si vyono nitume wuhile wangu, langa ho fisilize u wuhile wa mono yanhuma.

Yohana 15:10

Hono mwibate malajilizo gangu, mokwikala mu wendo wangu, nha vyono nane nibate malajilizo ga Baba, nikaye mu wendo wakwe.

Yohana 10:11

Ane yo nene mudimi muswanu. U mudimi muswanu, kawusuzaga u wumi wakwe kusoko ye zingholo zakwe.

Metumo ge Watumwa 3:15

Mukawa muwulaga ayulya mono yo mwamulizo wo wumi. Ninga Mulungu yamuzukula, nase yo sese mono cili wahomelezi we nghani yiyi.

Metumo ge Watumwa 2:24

Ninga u Mulungu yamuzukula, yakamuponya mu wusungu we lifwa, ku soko si yali yisumice hamba hadodo lifwa limwibate.

Yohana 5:30

“Ane si nosuma kwitumila cinji mu wulajilize wangu no mweneco, ane nghulingʼaniza nha vyono hulikaga kwa Baba, ne ningʼaniza yangu ya mbeka, hamba si nyendile kwituma zo wuhile wangu no mweneco, langa vyono yendile mono yanhuma.

Metumo ge Watumwa 2:32

Yuyo Yesu, Mulungu yamuzukula, nase wose cili wahomelezi we nghani yiyo.

Yohana 19:11

Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Yohana 10:15

nha vyono Baha yamanyile, nane vyono nimumanyile Baba. Nane nghuwulavya u wumi wangu, kusoko ye zingholo.

Yohana 5:26

Nha vyono u Sogo yo munhu yo mwamulizo wo wumi, ale nha vivyo nayo yamupela Mwanagwe yawe mwamulizo wo wumi.