Yohana 1:4 - I CILAGANE CIPYA 1991

⁴ U Mwene yali yo mwamulizo wo wumi; no wumi wuwo wali wuzelu we wanhu wose.

Luganuzi Luswanu Kuli Wanhu Wose 2002

⁴ U Mwene yali yo mwamulizo wo wumi; no wumi wuwo wali wuzelu we wanhu wose.

Yohana 1:4 Referans Kwoze

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Yohana 12:46

Ane naza, ho niwe wuzelu kononze, muli wose wono wonyihuwila, walece kwikala mu wutitu.

Yohana 5:26

Nha vyono u Sogo yo munhu yo mwamulizo wo wumi, ale nha vivyo nayo yamupela Mwanagwe yawe mwamulizo wo wumi.

Yohana 9:5

Lono nghali nili mono yinze, ane nili wuzelu we yinze.”

Yohana 11:25

Yesu yakamutya, “Ane nha yo nene wuzuce, no wumi. Nayo mono yanyihuwiye nene, hamba yafwe kowa mumi,

1 Yohana 5:11

No wuhomelezi weneco nha wowu: U Mulungu yacipela wumi we cibitilila, no wumi wuwo wuli muli Mwanagwe.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 12:35

Yesu yakawatya, “Cikali cidaha cidodo, u wuzelu mwina nawo. Holeka mujende lono mukali mwina wuzelu wuwo, ho citi cilece kumwaganenyi, kusoko mono yakujenda mu citi, si yamanyile na kono yakubita.

Waefeso 5:14

Na co cose cono cikwanzalikwa cikuwa wuzelu. Na co cikuleka i Mandiko gakutya “Wusinhuce agwe mono wugonile: Kanyhi wuzuce muli wafu Nayo Kilisito kokubulilila.”

Matayo 4:16

Iwanhu wono wekalaga kutitu alu wawona u wuzelu wuwaha. Na walya wono wekalaga mu yisi nhitu ye lifwa, na mu muzizi we lifwa, alu wuzelu wuwabulilila!”

Wakolosayi 3:4

Na Kilisito wo wumi wenyu we mbeka, yalaza kwijela, ale, anye nanye baho ho molokwijela hamonga nayo mu lukumyo.

Metumo ge Watumwa 26:23

nha vyono Kilisito si koleka kutamiswa na kanyhi ho yawe mulongozi mu wuzuce mu wafu, ho yawalonjele zo wuzelu wo wukombozwe, vyono wukuwamulicila alu iwanhu wose, Iwayahudi sunga ne wanhu we makungugo ganji.”

Luka 2:32

Wuzelu wo kuwagubulila Makungugo, No lukumyo lwe wanhu wako Waisilayeli.”

1 Yohana 1:2

No wumi wuwo waza kwanzalikwa, ase cawuwona, nalu cikulonga kanyhi cikumulonjelenyi zo wumi wuwo we cibitilila wono wali ko Sogo yo munhu, hanyuma wukanzalikwa kwetu.

Yohana 5:21

Nha vyono u Sogo yo munhu kawazukulaga i wafu no kuwapela wumi, nha vivyo nayo Mwana kawapelaga wumi awalya wono yendile.

Wugubule 22:16

“Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili lulelo lwe mbeyu ya Dawudi: Ane yo nene i nyelezi i mwacinghunghu yono yingʼalalaga ya hakali mitondo!”

1 Wakolinto 15:45

Hambi i Mandiko nha gakutya, “Umunhu mulongozi Adamu yali ciwumbwa cono cina nhumbula nyumi.” Ninga Adamu we ndumilizo, Muhe wono wuwumifyaga.

Wugubule 22:1

Hanyuma kanyhi malayika yakandajila i likolongo lye malenga go wumi gono gakungʼalala nha cilole, gakulawilila heʼgoda lyo wutemi lyo Mulungu, hamonga ne Mwana we ngholo.

Yohana 3:19

Ne ningʼaniza yeneco nha yoyi, uwuzelu waza kononze, ninga wanhu wakenda wutitu si nho wuzelu, vyono metumo gawo mabi.

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.