Yakobo 4:4 - I CILAGANE CIPYA 1991

⁴ Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

Luganuzi Luswanu Kuli Wanhu Wose 2002

⁴ Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze, yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

Yakobo 4:4 Referans Kwoze

Walumi 8:7

Hambi mono yatemigwe ne mahweso ge cimunhumunhu, nha vili sili no Mulungu, si kawuhulikaga u wulajilize wo Mulungu, hamba si kosuma kuwuhulika yaye.

Wagalatiya 1:10

Alu mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nha vivyo, kwaco, ane si nali niwe mwitumami wa Kilisito.

Yohana 15:19

Mhali muwe muli wanhu we yinze, mhali we yinze wali wamwendenyi anye mo wanhu wawo. Ninga alu vyono si muli we yinze, nane nimwihajenyi kulawa mu yinze, holeka we yinze wakumusulenyi.

Matayo 6:24

“Hasina mwitumami mono kosuma kuwetumamila wafwa wejete. Kusoko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.

Yohana 17:14

Ane niwapela inghani yako, nawo we yinze wakawasula, hambi wene nha si we yinze, nha vyono ane nane si nili we yinze.

Yakobo 1:27

Hambi dini yono yelile na yono yisina manamha manamha ha mwande yo Mulungu u Sogo yo munhu nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.

Walumi 5:10

Hambi ase lono cali cikali cili sili nayo, u Mulungu yakacilamulila mu wufwe wo mwanagwe. Naluno vyono cakondya kwilamula no mwene, alu yili calinze vyono coponywa so wumi wa Kilisito.

Matayo 16:4

Anye nyo lulelo lubi na lono lusina wihuwilwa. Anye mukusaka vitanjilo, ninga si mopegwa i citanjilo co cose cilya, langa mopegwa i citanjilo acilya ca Yona du.” Baho yakawa kuwaleka, yakawa kubita.

Yohana 7:7

Sunga na wanhu wa mononze, si wosuma kumusulenyi anye, langa ane wasulile, kusoko nghuwalonjela, vyono i metumo gawo mabi.

Luka 19:27

Ninga wawo walugu wangu, wono si wali wendile niwe mutemi wawo, waletenyi kuno, muwawulajile hamwande yangu.”

Matayo 12:39

Nayo Yesu yakawapitula yakawatya, “Ululelo lubi kanyhi lono si lumogopilo Mulungu! Mukusaka citanjilo, si mopegwa i citanjilo co cose, langa citanjilo ca Yona u muwizi.

1 Wakolinto 1:20

Alu wa hayi wa muli nyenye, we mahala? Hamba wahayi lu, u mwijizi wo wulajilize? Hamba u munghula wo wuwanji wa mu vilo vivi, yali hayi lo? Ninga u Mulungu, yaganoza i mahala ga mononze yiyi, kuwa wulele du, hali Mwene.

1 Wakolinto 1:21

Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala wakuziwona nha kotya wulele du, nha cinji inghani yono cikuyiganula.