Yakobo 4:12 - I CILAGANE CIPYA 1991

¹² Hambi nha Mulungu yali wene du yo kawikaga wulajilize no kulingʼaniza. Yo mweneco yali wene du mono yasumile kuponya no kongomeza. Ale, wuli nani gwegwe mono wukumulingʼaniza u munhu muyago?

Luganuzi Luswanu Kuli Wanhu Wose 2002

¹² Hambi nha Mulungu yali wene du yo kawikaga wulajilize no kuling'aniza. Yo mweneco yali wene du mono yasumile kuponya no kongomeza. Alu, wuli nani gwegwe mono wukumuling'aniza u munhu muyago?

Yakobo 4:12 Referans Kwoze

Walumi 14:4

Hambi alu agwe wuli nani, mono kumulingʼaniza u mwitumami wa yunji? Na hono yeme hamba hono yagwe, yo nghani yo Mutwawe, heya, kokwimywa no kusikamywa, hambi u Muwaha nha yadahile kumwimya.

Walumi 2:1

Holeka go munhu, wusina cikojelo, mono wukuwalingʼaniza iwayago, hamba wuwe vyono winha. Hambi hono wukuwalingʼaniza i wanji, nha wukwilijita go mweneco, ku soko vyono na gwegwe go mweneco nha wukwituma zizo zono wukuwalingʼaniza iwayago.

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mumoto we gehena.

Yakobo 5:9

Wandugu zangu, mulece kwingʼungʼulicila nyenye wose, ho mulece kulingʼanizwa no Mulungu. Hambi u Mulingʼanizi nha yeza behi no kwinjlia ha mulango.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

Walumi 14:13

Holeka cilece kwilingʼaniza, langa ciyohaje ho cilece kuwa cikobazo hamba hadodo kuli muyetu, hamba kumupela soko yo kwituma wubi.

Walumi 9:20

Alu agwe go munhu, wuli nani gwegwe ho wijelele kumupitula u Mulungu? Wule, nyungu nayo ma, yosuma kumuwuza cinji mono yayiwumba yikutya, “Nhawule wukamumba nha vivi?”

Luka 12:5

Ninga nghumulajilenyi mono yinojeye mumogope: Mogopenyi mwene, mono yena wulajilize wo kumutajilila munhu mu moto we gehena, kolo yakondya kuwulaga, heya ye, nghumutyenyi, Mumogopaje yuyo.