Yakobo 3:17 - I CILAGANE CIPYA 1991

¹⁷ Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

Luganuzi Luswanu Kuli Wanhu Wose 2002

¹⁷ Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

Yakobo 3:17 Referans Kwoze

Yakobo 3:15

Mahala gono genha nha vivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

Walumi 12:9

U wendo wenyu, wulece kuwa na wukonji wo wose. Muzisulaje izimbi, muzinamatilaje iziswanu.

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo ya munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

1 Yohana 3:18

Nye wanangu, wendo wetu wulece kuwa wa nonga du, langa wuweze wendo wa mu mbeka na mu witume.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

Matayo 5:8

Wamoti wono wena nhumbula nzelu, hambi nha womuwona u Mulungu.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Luka 6:36

Mweze no lusungu nha vyono Senyu yali lusungu.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono hasina u munhu mono kosuma kumuwona u Muwaha hono yawe yayisina mikalile yono yinha yiyo.

2 Timoteyo 2:24

Yimunojeye mwitumami wo Muwaha yalece kugombana na wanhu. Langa yimunojeye yawe mupolo kuli wanhu wose, yeze mwijizi muswanu, kanyhi mono yena no wukangalizi,

1 Petelo 2:1

Holeka, lecenyi wubi wose: no wulambi, no wukoci, ne zinghani zose ze nhovu, vivyo vyose viwucile lukulu muli nyenye.

Yakobo 2:4

wulenyi ma, wuwo si wuwaguzi muli nyenye? Ma, na wuwo wulamuzi wenyu ma, si wukulawilila mu mahweso mabi?

Wahebelaniya 12:11

No wufundwe wo wose si cinhu ca nyemo, langa co cinhu ca kukalaza. Ninga awalya wono wafundwa no kuwa no wunhu wuswanu, i ndumilizo nha wodudula wuhumbilizwe wo mulamu wono wukulawa mu mikalile yo wilingʼano!

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Walumi 15:14

Wandugu zangu, ane no mweneco, manyiye lukulu vyono anye mo weneco mumemile u wuswanu, no wumanye wose, na kanyhi vyono mosuma kwiyilanjiza nyenye wose.

1 Wakolinto 12:8

U Muhe kamupelaga yunji i nghani ye mahala, na yunji i nghani yo wusome, nha vyono yendile u Muhe yuyo du.

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

1 Timoteyo 5:21

Nghukukongʼonheza hali Mulungu, na hali Kilisito Yesu, na hali wamalayika wono welile, wukamise imalajilizo gaga wulece kuleka hamba limonga, kanyhi, pogola, wulece kumwendeza munhu wo wose muli zose zono kokwituma.

Metumo ge Watumwa 11:24

Balanaba vyono yali munhu muswanu, yamemilo Muhe Mono Yelile, no wihuwilo. Wanhu wenji wakonjelezeka kuli Muwaha.

Matayo 23:28

Alu sunga na nyenye nanye iwanhu wakumuwonenyi mudeha nha muli wanhu waswanu, kumbe mugati yenyu, mumemile wukoci no wavu wose.

1 Watesalonike 2:7

ninga ase nha vyono cili wetumami wa Kilisito, cali cisume kusaka cinji kwenyu. Ninga ase cikawa wapolo lono cali cili hamonga nanye, nha vyono yenha u nyina yo munhu muli wanagwe.

Wafilipi 4:8

Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze lingʼani, zono zilenguce, zono zikwendeza na ze cogopo.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Metumo ge Watumwa 9:36

Kwali na mwijizwa yunji we cicekulu kuko ku Yopa, litagwa lyakwe yacemagwa Tabita, mu Cigiliki Dolika, nhunizo yayo “Nzimba.” Mucekulu yuyo yali yamemile metumo maswanu, nayo yawatazaga iwaciwa vilo vyose.

Yohana 1:47

Yesu yakamuwona Nataneli yakuza kuli mwene, yakalonga zo mwene “Mulanje! Ayo yo Muyisilayeli we mbeka, mono yawusina wukonji wo wose muli mwene.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Tito 3:2

Wuwalonjelaje vyono walece kumuliga munhu wo wose, langa wekalaje welamuye akuno wakwiyihulika, kanyhi weze wapolo kuli wanhu wose.

Tito 1:15

Zose zelile kuli wono welile, ninga kuli we makomaza na wono si wehuwiye, kusina cono celile, hambi i mahala gawo sunga ne viselinji vyawo nho vitipizwe.

Walumi 12:18

Mu nghango vyono yisumice ku lubavu lwenyu, mwikalaje mwilamuye ne wanhu wose.

Waefeso 5:9

hambi imana go wuzelu nha gali mu wuswanu wose no wilingʼano ne mbeka.

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

2 Wakolinto 9:10

Nayo u Mulungu mono kamupelaga mbeyu mulimi, no kumupela i ndigwa yo kulya, komupelenyi nanye zimbeyu zono mukuhila, nayo kozicindisa no kuziwilusa, hamonga no kumupelenyi ndundula mbaha ku soko yo weza mutima wenyu.

Matayo 5:9

Wamoti wono wakwituma so wulondola mulamu hambi nha wocemwa wana wo Mulungu.

2 Wakolinto 6:6

Cikwilajila nha vyono cili wetumami wo Mulungu mu nzila yo wele wa mu nhumbula, mu wumanye, mu wukangalile, mu wunhu wuswanu, ko Muhe Mono Yelile, na ko wendo we mbeka wono wusina hamba wukonji,

2 Wakolinto 7:11

Alu mosuma kuwona vyono u Mulungu yawitumamila wuwo u wukalale wenyu. Lanje vyono mweza muli wahidimbazi, mu wilajile vyono musina malema go gose, mu makuwo, mu wutinuswe no woga, mu wuwa ne nyhilu yo wituma ziswanu, mu wogopo Mulungu, akuno mwiwikanize nhondo zose kwihoma ne zinghani zose zono si zinojeye. Mwakondya kwitajila nha vyono musina yilema lyo lyose mu nghani yiyi.

Yakobo 2:13

Hambi, u Mulungu nha kolowa yasina lusungu kolo yakumulingʼaniza munhu mono yasina lusungu. Ninga lusungu lucizize wulingʼanizi.

1 Petelo 2:18

Nye nyo wetumami wa mu zikaya, mweze na cihuliko kuli wawaha wenyu hamonga ne cogopo cose, kuli i waswanu ne wapolo, hamba na kuli wono wali caka.