Yakobo 2:8 - I CILAGANE CIPYA 1991

⁸ Na hono muwe mukuwufisiliza u wulajilize wulya wo Wutemi nha vyono yandicigwe mu Mandiko Gono Gelile: “Umwendaje munhu muyago nha vyono wiyendile gwegwe go mweneco,” ale mowa mukunoza viswanu muno muno.

Luganuzi Luswanu Kuli Wanhu Wose 2002

⁸ Na hono muwe mukuwufisiliza u wulajilize wulya wo Wutemi, nha vyono yandicigwe mu Mandiko Gono Gelile: “Wumwendaje munhu muyago nha vyono wiyendile gwegwe go mweneco,” ale mowa mukunoza viswanu muno muno.

Yakobo 2:8 Referans Kwoze

Wagalatiya 5:14

Hambi u Wulajilize wose nha wukuwa kufisilizwa mu nghani monga du, nayo yoyi, “Wumwendaje u muyago nha vyono wiyendile go mweneco.”

Yakobo 2:12

Ale, holeka mweze kulonga no kwituma nhe wanhu wono wololingʼanizwa no Wulajilize wono wuletaga welecele.

Matayo 22:39

Nalyo lye kejete lihwanile na lilyo, ‘Wumwendaje u muyago nha vyono wiyendile go mweneco!’

Wagalatiya 6:2

Mwidinghuzaje zono zikumuvunenyi mu mikalile yenyu, na nha vivyo, ho mowufisiliza u Wulajilize wa Kilisito.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Yakobo 1:25

Langa umunhu mono yakuwulanjisa muno muno wulajilize wono wukwilaniciye wono wupelaga wanhu welecele, no munhu mono yakujendelela loiwibata, hamba sikuwuhulika du, no kuwusemwa hanyuma yayo, langa yakwitumamila, umunhu yuyo kowa mumoti muli vyose vyono yakwitumama.

1 Watesalonike 4:9

Hasina soko yo kumwandicilenyi vyono munojeye kuwenda i wandugu zenyu wono wehuwiye. Hambi nha mwijizwe no Mulungu vyono munojeye kwiyenda nyenye wose.

Wafilipi 4:14

Ninga anye mwanoza viswanu so wuhanga nane mu magayo gangu.

Matayo 25:23

U Muwaha wakwe yakamutya, ‘Ale viswanu wuli mwitumami muswanu kanyhi mwihuwilwa. Wali mwihuwilwa muli nghani ndodo du, alu nokupela i zimbaha zono zicizize zizi. Ale wuze wusangalalane hamonga no muwaha wako.’

Yakobo 2:19

Ma, agwe ukwihuwila vyono Mulungu yo yumonga? Viswanu! Ninga hamba ne macisi nago gehuwiye nha vivyo, na kuno gakucicima so woga.

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wasangalalane hamonga no muwaha wako.’

Matayo 7:12

Muwatendelaje wanji nha vyono anye mukusaka wene nawo wamutendelenyi nyenye. Na yiyi yo nhunizo yo wulajilize wa Musa, sunga ne mejizo ge wawizi.

Walumi 13:10

Mono yamwendile u muyagwe, si kosuma kumunozeza vibi. Holeka mu wendo, mo wukufisilizizwa u wulajilize wose.

Yakobo 4:11

Wandugu zangu, mulece kwihosa nyenye wose. Mono yakumuhosa nduguye no kumulingʼaniza, yuyo, yakuwuhosa kanyhi yakuwulingʼaniza Wulajilize. Na hono wuwuhose Wulajilize, ale, agwe siwukuwibata Wulajilize, langa wukuwuhosa.