Yakobo 2:17 - I CILAGANE CIPYA 1991

¹⁷ Ale nha vivyo no wihuwilo weneco du wuli wene wono wusina metumo, wufwiye.

Luganuzi Luswanu Kuli Wanhu Wose 2002

¹⁷ Ale nhavivyo no wihuwilo weneco du wuli wene wono wusina metumo, wufwiye.

Yakobo 2:17 Referans Kwoze

Yakobo 2:26

Ale, nha vyono umuwili wezaga wufwiye hono wusina muhe, ale nha vivyo no wihuwilo nawo, wezaga wufwiye hono wusina metumo.

Yakobo 2:14

Nye wandugu zangu, alu kocili cambuzici, hono munhu yatye yena wihuwilo, ninga kuno ho siyakulajila imetumo gayo? Alu wuwo wihuwilo wosuma kumuponya wule?

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

1 Wakolinto 13:13

Holeka zikusigala zizino zidatu, nha cinji, u Wihuwilo, u Witumbilo no wendo, ninga kanyhi yono yicizize muli zizino zose, wo wendo.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

1 Wakolinto 13:3

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.