Yakobo 2:14 - I CILAGANE CIPYA 1991

¹⁴ Nye wandugu zangu, alu kocili cambuzici, hono munhu yatye yena wihuwilo, ninga kuno ho siyakulajila imetumo gayo? Alu wuwo wihuwilo wosuma kumuponya wule?

Luganuzi Luswanu Kuli Wanhu Wose 2002

¹⁴ Nye wandugu zangu, alu kocili cambuzici, hono munhu yatye yena wihuwilo, ninga kuno ho siyakulajila imetumo gayo? Alu wuwo wihuwilo wosuma kumuponya wule?

Yakobo 2:14 Referans Kwoze

Luka 6:49

Ninga mono yakuzihulika zinghani zangu, hamba kwituma cinji, yuyo yehwanile munhu mono yazenga kaya yakwe mu muhangha caka du, hamba kuwicila musinji, malenga gakayikundujiza kaya yiyo, nayo yikagwa no kuhodanjika lukulu.”

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.

2 Petelo 1:5

Holeka mupiligale muno konjelela wuswanu wo wihuwilo wenyu, kanyhi monjeleze no wizuce mu wuswanu wenyu,

Yakobo 2:26

Ale, nha vyono umuwili wezaga wufwiye hono wusina muhe, ale nha vivyo no wihuwilo nawo, wezaga wufwiye hono wusina metumo.

Wahebelaniya 11:17

So wihuwilo Abulahamu yamulavya u mwanagwe Isaka ho yawe ikumbiko lono u Mulungu yamujelaga. Na yuyo Abulahamu yali yabocela u wihuwizo wo Mulungu, ninga, hamba nha vivyo, yavumila kumulavya ikumbiko u mwanagwe we ciwene,

Wahebelaniya 13:9

Mulece kutyatya ze mafundo ganji ganji ge cijenzi. I lihewa lyo Mulungu lyo likucisikamya i zinhumbula zetu, hamba si myoto ya mu wulye; hambi i malajilizo nha si gamutaza hamba hadodo u munhu wo wose mono yagatyatya.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Yakobo 2:18

Ninga munhu yadahile kutya, “Agwe wina wihuwilo, ane nina metumo!” Ale! Undajile ta vyono munhu kowa yena wihuwilo wono wusina metumo, nane nokulajila wihuwilo wangu mu metumo gangu.

Metumo ge Watumwa 8:21

Nha wusina igawo hamba ifungu mu nghani yiyi, hambi inhumbula yako nha si yilingʼaniye hali Mulungu.

Matayo 5:20

Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mwokwinjilila lukulu mu wutemi wa ku wulanga.

Tito 3:8

Ne nghani yiyi ya mbeka. Nghukulomba wuzilongaje wusimbiliye zinghani zi zino, ho wawalya wono wamwihuwiye u Mulungu wawe no wuhile wo kucitumamila cilejeho cawo mu wituma ziswanu, zono swanu na zono zina cambuzi kuli wanhu.

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

Wagalatiya 5:13

Hambi anye mo wandugu zangu nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

1 Wakolinto 15:2

Na vyono na mu nzila ya lulo Luganuzi Luswanu, mo mukuponyezwa, hono muzibate zinghani zono namuganulilenyi, na kanyhi hono yiwe si mwehuwila bwete.

Metumo ge Watumwa 15:9

Hamba si yanoza wisimajile wa ase na wene, ninga yaweza zinhumbula zawo ko wihuwilo.

Yakobo 2:16

Cowa cambuzici kuli nye co kuwatya wawo, “Bitenyi mupolile mukote moto, mwigute,” hamba simukuwapela visakwa vyawo vyono wakuhila mu mikalile yawo?

1 Timoteyo 4:8

Hambi wizoweleze wo muwili nha wina cambuzi cayo, ninga wizoweleze we cimuhe, wina cambuzi ce mawala gose, hambi nha wukucihuwiza zo wumi we vilo vivi na wuwo kanyhi we vilo vyono vikuza.

Metumo ge Watumwa 8:13

Na Simoni mweneco nayo yakehuwila, nayo yaza kubaputizwa, vyaswezanaga na Filipo, na lono yalangaga vitanjilo ne mapoto mawaha gono ganozagwa, yakezina muno.

1 Wakolinto 16:22

U munhu wo wose mono siyamwendile Muwaha, yaweze mulijitwe. Go Muwaha wuze!

Walumi 2:25

Ninga u walame wako wowa wina cambuzi, hono uwitume u wulajilize. Ninga hono wukuwubena u wulajilize, yali yiwe yili ciba, hono wali wikale si walame.

Luka 3:11

Yakapitula yakawatya, “Mono yena misweko myejete, yamugawile muyagwe mono yasina, na mono yena ndigwa, yatende nhavivyo.”

Yakobo 1:16

Nye wandugu zangu wendece, mulece kukongwa.