Yakobo 1:2 - I CILAGANE CIPYA 1991

² Wandugu zangu, muweze na nyemo kolo mukuzizwa ne majelo ganji ganji,

Luganuzi Luswanu Kuli Wanhu Wose 2002

² Wandugu zangu, muweze na nyemo kolo mukuzizwa ne majelo ganji ganji,

Yakobo 1:2 Referans Kwoze

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nha vivilya.

2 Petelo 2:9

Ale, holeka, Muwaha yamanyile kuwaponya mu wulipicizwe sunga Mwizuwa lililya lyo wulingʼanizwe.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.

Metumo ge Watumwa 5:41

Watumwa wakalawila hanze ye libalaza wasangalaye, vyono wejela wanojeye kukozwa cevu ku soko ye litagwa lya Yesu.

Wahebelaniya 10:34

Mwahangana u wugazwe ne wafungwa, na lono mwabokagwa zisawo zenyu, mwakangalila na nyemo, hambi nha mwali mumanyile vyono mwina sawo yono swanu muno muno kanyhi yono yikalaga cibitilila.

Wafilipi 2:17

Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

Walumi 5:3

Kanyhi si nhavivyo du, ninga cikusangalala nha vivyo sunga na mumagayo, akuno cimanyile vyono imagayo galetaga wukangalile,

Yakobo 1:16

Nye wandugu zangu wendece, mulece kukongwa.

Yakobo 1:19

Wandugu zangu wendece, kumbucilenyi nghani yiyi! Umunhu wo wose yeze mupelu kuhulika ninga yalece kuwa mupelu kulonga hamba yalece kuwa mupelu kusimba.

Yakobo 5:11

Holeka ciwacemaga wawo wo wamoti ku soko vyono wakangalila. Mwakondya kuhulika zo wukangalile wa Ayubu, kanyhi mumanyile vyono u Muwaha yamutendela ha ndumilizo. Hambi Muwaha nha yamemile nheto no lusungu.

Wafilipi 2:18

Holeka na nyenye nha vivyo, yiwanojeye musecelele no kusangalalana nane mu nyemo yenyu.