Wugubule 8:12 - I CILAGANE CIPYA 1991

¹² Malayika we kane nayo yakayitowe ndulele yakwe. Na hobaho libimha lye kadatu lye lizuwa, na lyo mwezi, na lye zinyelezi likatowa, sunga no wuzelu wayo, wukatukuwazwa libimha lye kadatu lyo wungʼalale wayo. Ne libimha lye kadatu lye misi likawa lisina wuzelu, sunga ne libimha lye kadatu lye cilo, nalyo nha vivyo.

Luganuzi Luswanu Kuli Wanhu Wose 2002

¹² Malayika we kane nayo yakayitowe ndulele yakwe. Na hobaho libimha lye kadatu lye lizuwa, na lyo mwezi, na lye zinyelezi likatowa, sunga no wuzelu wayo, wukatukuwazwa libimha lye kadatu lyo wung'alale wayo. Ne libimha lye kadatu lye misi likawa lisina wuzelu, sunga ne libimha lye kadatu lye cilo, nalyo nhavivyo.

Wugubule 8:12 Referans Kwoze

Wugubule 6:12

Nane nghawona lono Mwana we ngholo yakabena cinamatizo co mutandatu, kukawa neʼtulo yiwaha lye yisi, ne lizuwa likatukuwala nhe mwenda ititu no mwezi nawo, wukadunghuwala nha sakami.

Wugubule 9:18

Ne libimha lye kadatu lye wanhu, wawulagwa na gago mawulaji madatu, moto, ne lyosi, ne cibiliti, vyono vyalawilaga mu milomo yazo,

Wugubule 9:15

Nayo malayika yakawawopolela wawo wane, wono wali wakondya kuwikanizwa so lipango lilyo lye lizuwa lyo mwezi wuwo wo mwaka wuwo, ho wawulaje libimha lye kadatu lye wanhu.

Maluko 13:24

“Ale, mu vilo vivyo, wulaza kuwa wapuluta u wugaye wuwo, ilizuwa lyolotukuwala no mwezi siwolosana ngʼo.

Matayo 24:29

“Ninga u wugaye kolo wapuluta, lulo baho du ilizuwa lyolotukuwazwa, no mwezi nawo si wolosana ngʼo, ne zinyelezi nazo zologwa ku wulawa kucanyha, ne vilungo vyo wulanga, vyolosinjiswa.

Wugubule 12:4

Lizoka lilyo likazikwejenha zinyelezi za mu mwanya, ibimha lye kadatu, no mucila walyo, no kuzigumila kononze. Nalyo likema behi no mucekulu yuyo mono yali yeza behi no kusawo mwana, nalyo likawa liwikanizize lukulu ho limumelo mwana yuyo baho du yalakulelwa.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Luka 21:25

“Na kolowa na vitanjilo mwizuwa na mu mwezi na mu zinyelezi; ne makungugo kononze golowa na magayo, wena mahwele so mukukunzo we lilenga ne mawingo gayo.

Maluko 15:33

Kuwulawa mu saa sita ye misi, sunga ku saa tisa ye misi, kukawa kutitu tuku muʼsi yose.

Matayo 27:45

Na muwulawa mu saa sita mu misi, sunga mu saa tisa, yisi yose yikawa mu wutitu.

Metumo ge Watumwa 2:20

Lizuwa lyolopituswa liwe citi, No mwezi wolopituswa wuwe sakami, Lono lyowa likali si naza ilizuwa Iyo Muwaha, Lizuwa liwaha litambule,

Wugubule 16:10

Malayika we hano nayo yakalijidila libakuli lyakwe mu wikalo wuwaha we lililya lilimu. Uwutitu wukawa kudinda mu wutemi walyo, wanhu wakawa kwilumanga i zinimi zawo ku soko yo wusungu,