Wugubule 5:12 - I CILAGANE CIPYA 1991

¹² wakalonga wenuye mazi gawo wakutya, “U Mwana we ngholo mono yawulagwe yo yanojeye yabocele vilungo, wugoli, mahala, wusume, lukumyo ne lilumbo.”

Luganuzi Luswanu Kuli Wanhu Wose 2002

¹² wakalonga wenuye mazi gawo wakutya, “U Mwana we ngholo mono yawulagwe, yo yanojeye yabocele vilungo, wugoli, mahala, wusume, lukumyo ne lilumbo.”

Wugubule 5:12 Referans Kwoze

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, wezinonga zose, ne wanhu wose ne zinghungugo zose.

Wugubule 19:1

Hanyuma ya zizo, nghahulika cinhu, kotya lizi yiwaha lye mapuga ge wanhu wenji ku wulanga, likutya, “Muwaha yalumbwe! I mhono no lukumyo, ne vilungo, nha vyo Mulungu wetu!

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Wugubule 7:12

wakutya, “Heya! I lilumbo no lukumyo, ne mahala, ne wulumbe, ne cogopo, ne vilungo no wuwaha, viweze kuli Mulungu wetu cibitilila ne cibitilila! Heya!”

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kononze.

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mononze yose.

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Wugubule 13:8

Na wose wono wekaye mononze wolihemba, ninga awalya wono matagwa gawo gandikwe mu citabu co wumi co Mwana we ngholo mono yawulagwa ku wulawo mwamulizo we yinze, wawo langa si wolihemba yaye.

Wugubule 5:13

Nghavihulika viwumbwa vyose vya kuwulanga na vya mononze, na vya kusi ye yinze, sunga na vya mu malenga, viwumbwa vyose du vya mononze, vikutya, “Kuli mwene mono yekaye mwigoda lyo wutemi, na kuli Mwana we ngholo viweze wumoti, ne lilumbo, no lukumyo, no wuwaha cibitilila ne cibitilila!”

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Wugubule 1:6

yakacinoza ciwe wutemi ciwe wakohani, ho cimwitumamile Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha wanzehe makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.

Wugubule 6:1

Hanyuma nghawa kumuwona u Mwana we ngholo yakunamatula cinamatizo cinji ca muli vinamatizo vi vilya mupunghati. Nghahulika ciwumbwa cimonga ca muli viwumbwa vine vyumi, cikulonga kweʼzi ʼwaha neʼzi lye balalusi cikutya, “Wuze!”

Wugubule 15:3

Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo ze wilingʼano kanyhi za mbeka!