Wugubule 5:10 - I CILAGANE CIPYA 1991

¹⁰ Agwe yo gwegwe mono wawanoza wawe wutemi we wakohani, wamwitumamilo Mulungu wetu, nawo wotema mononze.”

Luganuzi Luswanu Kuli Wanhu Wose 2002

¹⁰ Yo gwegwe mono wawanoza wawe wutemi we wakohani, wamwitumamile Mulungu wetu, nawo wotema mono'nze.”

Wugubule 5:10 Referans Kwoze

Wugubule 1:6

yakacinoza ciwe wutemi ciwe wakohani, ho cimwitumamile Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Wugubule 22:5

I cilo si colokwijela kanyhi, hamba si wolosaka wuzelu we tala hamba weʼzuwa, hambi u Muwaha Mulungu nha kowamulicila, nawo wotema cibitilila ne cibitilila.

Wugubule 20:6

Wena nyemo, kanyhi wamotile muno, wawo wose wono wakuhanga mu wuzuce wuwuno wulongozi. Hambi i lifwa lye kejete nha lyowa lisina vilungo kanyhi muli wene, nawo wowa wakohani wo Mulungu na wa Kilisito, nawo wotemana hamonga nayo, myaka elufu monga.

Wugubule 3:21

“Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kulingʼaniza. Nghawona kanyhi nha vivilya izinhumbula za wono wadumulwa mitwe yawo ku soko ya kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.