Wugubule 4:11 - I CILAGANE CIPYA 1991

¹¹ “Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Luganuzi Luswanu Kuli Wanhu Wose 2002

¹¹ “Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Wugubule 4:11 Referans Kwoze

Wugubule 5:12

wakalonga wenuye mazi gawo wakutya, “U Mwana we ngholo mono yawulagwe yo yanojeye yabocele vilungo, wugoli, mahala, wusume, lukumyo ne lilumbo.”

Wugubule 10:6

yakelahiza mwitagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 14:7

Nayo malayika yuyo yakalonga kweʼzi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ningʼaniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, wezinonga zose, ne wanhu wose ne zinghungugo zose.

Wahebelaniya 1:10

Kanyhi yakutya, “Muwaha, agwe yo gwegwe mono wayiwumba yinze baho ha mwamulizo, no wulanga wo mulimo wo muwoko wako,

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

Waefeso 3:9

kanyhi ho niwalajile iwanhu wose wawone vyono wukufisilizwa u wuhile wo Mulungu wono wali wuhundicigwe. U Mulungu mono yaviwumba vinhu vyose, yayihundika inghani yakwe yiyo kulawa katali,

Metumo ge Watumwa 14:15

“Nhawulenyi mukwituma zizi? Nase nha cili wanhu du kotya nyenye. Nase cili baha ho cimuganulilenyi Luganuzi Luswanu, ho muzilece zizi zo wulele, mumupitucile Mulungu mumi mono yawumba wulanga ne yinze, lilenga na vyose vyono vili mugati.

Metumo ge Watumwa 17:24

U Mulungu mono yawumba yinze, na vyose vyono vili mumo yo Muwaha wo wulanga ne yinze, si kekalaga mu nyumba zo Mulungu zono zinozagwa ne miwoko ye wanhu.

Wugubule 5:2

Kanyhi nghamuwona malayika we vilungo yakulonga neʼzi ʼwaha yakutya, “Nani ʼmbi mono yanojeye kubena vivyo vinamatizo, sunga yacigubule ne citabu cico?”

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

Wugubule 1:6

yakacinoza ciwe wutemi ciwe wakohani, ho cimwitumamile Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Wugubule 19:1

Hanyuma ya zizo, nghahulika cinhu, kotya lizi yiwaha lye mapuga ge wanhu wenji ku wulanga, likutya, “Muwaha yalumbwe! I mhono no lukumyo, ne vilungo, nha vyo Mulungu wetu!